غزل

سلیم دلاوی

ڈردا ہویا چپ کر جاواں کاہدے لئی
ایویں جیندے جی مر جاواں کاہدے لئی
ایہہ تے ہتھیں لا کے سر چا دینا ایں
میں تے ویری دے گھر جاواں کاہدے لئی
مینوں تے فیر میری سوچ ای لو چھڑنا ایں
کیتی گل توں میں ہر جاواں کاہدے لئی
پک اے مینوں آئی تے اس ٹلنا نئیں
موت نوں ویکھاں تے ڈر جاواں کاہدے لئی
ظالم کولوں جان امانت منگن لئی
مینوں آہنا ایں سر پر جاواں کاہدے لئی
ویلا فیر سلیم اے ریجھاں لاہون دا
سدھراں دا ہن گھٹ بھر جاواں کاہدے لئی