غزل
تنویربخاری
تونی لا جہڑا کردا سینہ زوری اے
رل کے تونی لا جہڑا کردا سینہ زوری اے
توڑ اپڑے یا نہ اپڑے، میں تے گل چا ٹوری اے
کڑیاں ونگاں لاہ سٹیاں تے جھپھ لئیاں نے منڈیاں نیں
بابا توئیں ای چپ کر جا، کھچ جے بالھا بھوری اے
کلیاں پڑ دے وچ کھلو کے ڈانگاں کھاندیاں رہنا ایں
بھج کے رب دے اوہلے ہوئیے، عرش نوں کہڑی موری اے
کھانا پینا تے مر جانا مقصد تے نہیں جیون دا
ناہیں جہنوں پیڑ کسے دی، مٹی دی اوہ بوری اے
نریاں غزلاں نال بخاری سکھنا پیٹ بھریندا نہیں
منہ بھن دتا پیار نے ہن تاں روٹی منگدی گوری اے
رل کے تونی لا جہڑا کردا سینہ زوری اے
