غزل
احسان رانا
میں سورج نوں خیمہ بناندا رہیا واں
ستارے نوں نوحا سناندا رہیا واں
کسے کم تے آئے ترے چار اتھرو
’’میں نفرت دی اگ نوں‘ بجھاندا رہیا واں‘‘
پرانی ایں دُنیا‘ کہانی ایں دنیا
سناندا رہیا واں‘ بھلاندا رہیا واں
میں پوڑھی وی لاندا تے جھاتی نہ پیندی
بہاراں نوں کدھر بلاندا رہیا واں
چھپا کے میں رکھی خزانے دی چابی
میں بھل کے وی گل نوں ویہاندا رہیا واں
بڑی گل اے رانا وکھالے نہ کیتے
میں ہنساں توں موتی لکاندا رہیا واں
