گیت

بھپندرپنیوالیا

بدل گئی اے ساری دُنیا بدل گیا انسان
کلیُگ دا زمانہ ایہہ، بندے بنے پھرن بھگوان
نہ پہلاں والے رُکھ رہے نہ پہلاں والیاں چھاواں
نہ پہلاں والے پُت رہے نہ پہلاں والیاں ماواں
اجکل بوتل اُتے پلدے بچے نہ ماواں دودھ چُنگھان
بدل گئی اے ساری دُنیا بدل گیا انسان
نہ پہلاں والے رنگ تماشے نہ پہلاں والے میلے
نہ پِنڈاں وِچ پیندیاں چھِنجھاں نہ کوئی ڈنڈ پیلے
نشیاں پٹ ٰتی دُنیا ساری نہ گبھرو رہے جوان
بدل گئی اے ساری دُنیا بدل گیا انسان
سچ دے پِچھے مرن والے ہُن جھوٹھ دا پلہ پھڑ بیٹھے
اِکو ماں دے جائے سی جو آپو وِچ ہی لڑ بیٹھے
آپنیاں توں بیگانے چنگے جو ہو جاون قُربان
بدل گئی اے ساری دُنیا بدل گیا انسان
رِہیا نہ اعتبار یاراں ٰتے پِٹھ پِچھے کردے وار
پنیوالے دِیاں گلیاں دے وِچ نہ مِلدے سچے یار
خُدغرضاں دی دُنیا ساری ہُن مطلب ہے پردھان
بدل گئی اے ساری دُنیا بدل گیا انسان