غزل
ابرارندیم
گزرے کل دا قصہ بن کے جی رہیاں
میں ماضی دا حصہ بن کے جی رہیاں
میں حالے وی اپنے آپ دا اپنا نہیں
میں حالے وی تیرا بن کے جی رہیاں
میرے اُتے واہوا کرم اے مولا دا
میں لوکاں چہ لسا بن کے جی رہیاں
میں لوکاں دی اک اک رمز پچھاننا واں
انج میں بھاویں کملا بن کے جی رہیاں
شُکر خدا دا میں اپنی اوقات نہیں بھلدا
بندہ واں تے بندہ بن کے جی رہیاں
میں لوکاں نوں ایسے کر کے چُبھنا واں
میں پتھراں چہ شیشہ بن کے جی رہیاں
