پاکستان دا محفوظ ایٹمی پروگرام
لكهت:بلال بٹ
پاکستان وچ 28مئی نوں 23 واں یوم تکبیر منایا گیا جدوں 23 ورہے پہلاں ایسے دن پاکستان نے بھارتی ایٹمی دھماکیاں دے جواب وچ اپنی جوہری طاقت دا مظاہرہ کیتا سی۔ ایہناں ایٹمی دھماکیاں دے بعد پاکستان نے مسلم دنیا دی پہلی تے دنیا دی7 ویں ایٹمی طاقت بنن دا اعزاز حاصل کیتا سی تے ایسے دن نوں یوم تکبیر دے ناں توں یاد کیتا جاندا اے۔ ایٹمی دھماکیاں دے بعد 1999 وچ بھارت تے پاکستان دے وچکار کارگل جنگ وی ہوئی جس وی وجہ نال یوم تکبیر بوہت زیادہ جوش و خرو ش نال منایا گیا سی۔
پاکستان جیہڑا نہ صرف مسلم دنیا دی پہلی ایٹمی طاقت اے بلکہ بولٹن آف اٹامک سائنٹسٹ نامی اک عالمی ادارے دا کہنا اے کہ پاکستان دے ایٹمی ہتھیاراں دی تعداد پڑوسی ملک بھارت دے مقابلے وچ زیادہ اے۔ ادارے دی ویب سائٹ اُتے موجود اعداد و شمار دے مطابق پاکستان دے کول موجود ایٹمی ہتھیاراں دی تعداد 120 اے جد کہ ہندوستان دے کول موجود جوہری ہتھیاراں دی تعداد 110 اے۔ پاکستانی فوج دے جذبہ ایمانی تے شوق شہادت دی وجہ نال بھارت پاکستان دے مقابلے وچ کئی گنا زیادہ بجٹ استعمال کر کے وی دفاعی لحاظ نال پاکستان دے مقابلے وچ بوہت زیادہ کمزور اے۔ پاکستان تے ہندوستان دونواں نے ای پہلی وار 1998 وچ 3.3ہفتیاں دے وقفے نال ایٹمی ہتھیاراں دے تجربات کیتے سن۔ ایٹمی مواد نوں لاحق خطرات دی سکیورٹی لئی اقدامات دے حوالے نال انڈیکس وچ پاکستان دا درجہ بھارت توں وی بہتر سی۔ ایسے ورہے دے این ٹی آئی انڈیکس وچ 9 ایٹمی مسلح قوتاں وچوں زیادہ تر دا درجہ اوہ ای اے۔ ایس وچ صرف اک پوائنٹ دی کمی بیشی ہوئی جد کہ 2012ء دے مقابلے وچ پاکستان دے ایٹمی مواد دی سکیورٹی دے حوالے نال 3 درجے بہتری آئی جیہڑی کسے وی ایٹمی ملک دی بہتری وچوں سب توں زیادہ اے۔ ہندوستان دا ایٹمی مواد دے قابل استعمال ہتھیاراں دی سکیورٹی دے حوالے نال 25 ملکاں وچوں 23 واں درجہ اے جد کہ چین نوں انڈیکس وچ 20 ویں درجہ اُتے رکھیا گیا اے ، پاکستان ایس لسٹ وچ 22 ویں نمبر تے وے پاکستان دے جوہری پروگرام دے خالق تے ایٹمی سائنسدان ڈاکٹر عبدالقدیر خان دے مطابق پاکستان دا جوہری پروگرام امریکہ تے برطانیہ توں زیادہ محفوظ اے تاں جدوں پاکستان تے ہندوستان نے 1998 وچ ایٹمی تجربات کیتے ایس ویلے امریکہ تے سوویت یونین دونویں کسے وی طرح ایہناں گوانڈھی ملکاں لئی رول ماڈل نہیں سن جس دی وجہ امریکہ تے سوویت یونین دے کول بالترتیب 732,10 تے 368,14 ہتھیاراں دی موجودگی سی۔ پاکستان تے ہندوستان ولوں مسلسل اپنے ایٹمی ہتھیاراں دی تعداد وچ وادھا کیتا جا رہیا اے تاں 2002 دے بعد پاکستان دے کول اپنے حریف ملک ہندوستان دے مقابلے وچ 10 ہتھیار زیادہ رہے نیں۔ ایس توں پہلاں 1999 وچ دونویں ای گوانڈھی ملکاں دے کول اٹھ اٹھ ہتھیار سن۔ 9 ایٹمی ملکاں وچوں پاکستان نے حالیہ متعدد اقدامات دے ذریعے ایٹمی سکیورٹی دے قواعد تے ایہناں اُتے عملدرآمد نوں سب توں بہترین بنایا اے تے ایس ضمن وچ پاکستان دے درجہ وچ وی 3 پوائنٹس دی بہتری آئی اے تے ایٹمی مواد دی حفاظت دے 290 کلومیٹر تیکر ہدف نوں نشانہ بنان والے بیلسنگ
میزائل غزنوی دا کامیاب تجربہ کیتا جیہڑا جوہری تے روایتی جنگی سامان لے جان دی صلاحیت رکھدا اے۔ آئی ایس پی آر ولوں دسیا گیا اے کہ میزائل دا تجربہ آرمی اسٹریٹجک فورسز کمانڈ دی سالانہ فیلڈ تربیتی مشقاں دے اختتام دے موقعے اُتے کیتا گیا۔ ایس موقعے اُتے کمانڈر آرمی اسٹریٹجک فورسز کمانڈ لیفٹیننٹ جنرل محمد علی، اسٹریٹجک پلانز ڈویشن دے سینئر افسران ،سائنس دان تے ادارے دے انجینئرز وی موجود سن۔ کمانڈر آرمی اسٹریٹجک فورسز کمانڈ نے آپریشنل تیاریاں تے اسلحے دے استعمال دے بہترین معیاری نظام دے مظاہرے دی تعریف کیتی ۔ آئی ایس پی آر دا کہنا سی کہ صدر، وزیراعظم پاکستان، سروسز چیفس نے آرمی اسٹریٹجک کمانڈ دے سارے عہدیداراں، سائنس داناں تے انجینئراں نوں کامیاب تجربے اُتے مبارکباد دتی۔ایس توں پہلاں پاکستان نے پچھلے مہینے ’’شاہین 3‘‘ بیلسنگ میزائل دا کامیاب تجربہ کیتا سی۔ آئی ایس پی آر نے اپنے بیان وچ کہیا سی کہ زمین توں زمین تیکر 2 ہزار 750 کلومیٹر رینج دے حامل شاہین تھری میزائل دا تجربہ ویپن سسٹم دے ٹیکنیکل پیرامیٹرز جانچن لئی کیتا گیا۔ چیئر مین جوائنٹ چیفس آف اسٹاف کمیٹی جنرل ندیم رضا ، اسٹریٹجک پلانز ڈویژن دے ڈائریکٹر جنرل لیفٹننٹ جنرل ندیم ذکی منج، کمانڈر آرمی اسٹریٹجک فورسز کمانڈ لیفٹیننٹ جنرل محمد علی، چیئر مین نیسکام ڈاکٹر رضا ثمر تے سائنسدان و انجینئراں نے بحیرہ عرب وچ کامیاب میزائل تجربے دا مشاہدہ کیتا۔ صدر مملکت ڈاکٹر عارف علوی ، وزیراعظم عمران خان، چیئر مین جوائنٹ چیفس آف اسٹاف کمیٹی، تنے سروسز چیفس نے کامیاب میزائل تجربے اُتے سائنسداناں تے انجینئراں نوں مبارکباد دتی۔ ایس توں پہلاں 7 جنوری نوں پاکستان نے مقامی طور اُتے تیار کردہ فتح دن، گائیڈڈ ملٹی لانچ راکٹ سسٹم دا کامیاب تجربہ کیتا سی۔ آئی ایس پی آر ولوں کیتی گئی ٹویٹس وچ دسیا گیا کہ پاکستان نے مقامی سطح اُتے تیار کرہ فتح دن، گائیڈڈ ملٹی لانچ راکٹ سسٹ دا کامیاب تجربہ کیتا اے، ایہہ سسٹم 140 کلومیٹر دے فاصلے تیکر روایتی جنگی ہتھیار (وارہیڈز) لے جان دی صلاحیت رکھدا اے۔ 30 دسمبر نوں پاکستان ایروناٹیکل کمپلیکس (پی اے سی ) نے مقامی طور اُتے تیار کردہ اسٹیٹ آف دی آرٹ 14 جدید فورتھ جنریشن جے ایف 17 تھنڈر بلاک 3 ڈوذل کیریئر لڑاکا طیارے باضابطہ طور اُتے پاک فضایہ دے حوالے کر دتے سن جیہڑے طویل رینج، اعلیٰ ترین ریڈار سسٹم تے ایڈوانس فائرنگ دی صلاحیت نال لیس نیں۔ ایسے دن پاک بحریہ دی ایئر ڈیفنس یونٹس نے زمین توں فضا و چمار کرن والے میزائل دی فائرنگ دا کامیاب مظاہرہ کیتا سی۔ ترجمان پاک بحریہ نے دسیا سی کہ میزائل فائرنگ دا شاندار مظاہرہ پاک بحریہ دی اپریشنل صلاحیتاں تے حربی تیاریاں دا منہ بولدا ثبوت اے۔ ایس توں پہلاں پاک بحریہ نے شمالی بحریہ عرب تے مکران دی ساحلی بندرگاہ اُتے جنگی بحری جہاز فضا توں تے آبدوز توں میزائل فائر کرن دے کامیاب مظاہرہ کیتے سن۔
