ناول کمہیل دا ہک باب۔۔۔آوی

کردار
کڑی اتھری جیہی کڑی
نِکی پرتوں آے لوکاں دی لڑی دا اخیرلا دانہ
سچل پرتوں آے لوکاں چوں کوی موہری
اوہناں دھاڑیاں نال آے دست کار فن کار
کڑی اوہناں نوں آکھیا ایہہ جا بددعای ہوی اے۔ کوی ہور جا تکو،کوی ہور تھاہر لبھو۔ سے جاواں نیں خطاطیے دی حویلی اے۔ اس دی حویلی دا پچھوکڑ اے۔ ناہر آلے پاسے کالیاں دی تھاں اے۔ سچل ڈھیر ساری جاگھ ملی ہوی اے۔ تساں آوی ای چاڑھنی اے کہڑا جا تے قبضہ کرناں ایں۔کڑی دسیا ایتھے چِٹ متھیے دھاڑاں مار کے لوکڑے نوں ساڑ کے اگ دے مچ بالدے سن۔اوہناں صلاح کیتی کہ کڑی آکھیا سچ اے پر سچل نال گل کون کرے۔ اس کولوں جاگھ کون منگے؟ اس نال گل وی صرف کڑی کر سکدی اے۔ کڑی آپ اپنی مرضی دی بادشاہ اے۔ گل منے نہ منے سچل نوں جا کے آکھے نہ آکھے۔
اوہناں نوں وی پتہ سی ایتھے ڈھاہڈ مچدے سن۔ کی کی دن اوہ ایتھے رہندے ایتھے اگ بالدے سن۔ دھاڑ ماراں چنگی کھلی جا گھیری ہوی سی۔اوہ اس ٹبے تے اگ دے لوندے لانبو دوروں دس جاندے۔ لوک آلے گھراں وچ وڑ جاندے تے چھہہ جاندے۔ٹبے دے ہک پاسے ای راہ سی
باقی تناں پاسے جنگل جیہا سی۔ جنگل وی نہیں سی بس اجاڑ تھاں سی جتھے رکھ ورلے ورلے تے اک پوہلی بوہتے سن۔و گھلدی تے پوہلی اڈدی پر ٹبے تایں آ کے اوتھے جم جاندی۔ اوتھے تھلے پوہلی دا ڈِھگ لگا پیا سی۔پوہلی سکی پی سی۔ کنڈے جویں اس دے فیر پھٹ پے سن۔ پوہلی دے پتر پوہلی دیاں جڑاں ہر شے کنڈوکنڈیں ہوی پی سی۔کنڈے اِنے باریک سن کہ پڑدے تے پیراں دے اندر ای گل جاندے۔ڈھاڈ مچان آلیاں نوں کنڈے پڑدے ای نہیں سن کہ اوہناں لمیاں لمیاں جتیاں پایاں ہوندیاں سن نالے تسمیاں نال چنگیاں کس کے بنھیاں ہوندیاں سن۔ڈھاہڈیاں نوں کنڈے کنج پڑنے سن جے ایتھوں دا کوی بھلا گھتھا اس پاسے جاندا اس نال پوہلی چمبڑ جاندی۔اوہناں آوی واسطے اوہا جا بنا لی تے آوی واسطے پکیاں لیکاں مار لیاں کہ کون سچل نوں جا کے آکھے تے کون کڑی نوں سچل کول جان تے راضی کرے۔ دونویں اوکھے کم سن ہن اوسے ٹبے تے آوی پکدی جتھے چِٹ متھیے اگ بالدے سن۔
سورج کنی کڈھی تے نِکی آوی تے آ گی۔ آوی پوری پکی پی سی۔ اس دا دھوں شوں مک گیا سی پر بھبل اجے تتی سی۔ آوی دے آل دوالے حالے تا ہیسی۔ نیڑے ڈھک کے کھلون نہیں ہوندا سی۔ و وگدی تے تتی بھبل اڈدی۔جدوں آوی وچ بھانڈے جڑے تے تیلی لگی اس ویلے آوی ڈھیر اچی لگدی سی ہن آوی انج ہوی پی سی جویں پانی بھری ہوی مشک چوں پانی نچڑ کے اوہ چر مر ہو گی ہووے۔کی مہینے آوی بلدی دھخدی دسدی رہی پر ہن کی دناں توں رات نوں کوی کوی چننگ اڈدی جویں کوی بھلا گھتھا ٹناناں اڈدا پیا ہووے۔
آوی انج اڈول ہو گی سی جویں بڈھے ویلے وڈا تپ لہہ جاوے تے بندہ چپ ہو جاندا اے۔
آوی دا گھیرا وڈا نہیں سی۔ اوہناں آپ ای صلاح کر کے گھیرا وڈا نہیں بنایا سی کیوں جے پہلاں دو واری مینہ ورہیا تے ادھی پکی آوی پِھس گی نالے بہہ وی گی سی۔ہن اوہناں بھانڈے وی تھوڑے رکھے نالے آوی وی نکی بنای۔ انج وی اوہناں کڑی دے گھر دروگھڑاں دا بھریا ہویا کوٹھا ویکھیا ہویا سی۔اس واری دور پیالے تے ٹھوٹھیاں بوہتیاں سن کنے گھڑے تھوڑے۔کجھ اوہ اندروں ڈول وی گے سن تے ادھے بھانڈے کمہیل وچ پے رہن دتے سن۔ہک بے ملومی جیہی چننگ اڈی نِکی تربھک کے پچھانہہ ہٹ گی۔ اس ویکھیا چننگ اوتھے نکی جیہی مچھی ہار اکھیں پی جھمکدی اے۔ نکی ہس کے اس جا تے آ کے کھلو گی جتھیاس اپنے بھانڈے رکھے ہوے سن۔حالے سیک بوہتا اے کیہ پتہ اج وی آوی نہ کھولن نِکی آوی نوں نجھا کے تکیا۔
جتھے ہن ناہر پی کھٹیندی سی اوتھوں اوہ مٹی لے کے اوندے۔ اوہ آکھدے سن ایہہ مٹی نہیں کوی سونے دی ڈلی اے۔ گون دی لوڑ ای نہیں پوندی پانی دے دو تن چھٹے ماردے مٹی انج تیار ہو جاندی جویں سنیارے دی بھٹی تے سونا۔مٹی اپنا ول اوہناں تے انج کھولیا جویں گھوڑی آلی جبھ ٹکیاں دی گل پا لی سی۔ اوہناں اگے مٹی اپنا بھیت ظاہر کر چھڈیا، ناہرے آلی مٹی۔
مٹی نوں گون واسطے ڈھاری دے نال جا صاف سی۔ چک اتے بہن توں پہلاں مرد اس جا نوں صاف کردا ایہہ جا ذرا اچی وی سی ایتھے دھپ پیندی تے ایہہ جا لشک جیہی جاندی۔نِکی دی نظر اس جا تے پی۔ اوہ بھبل تا آلی جا چھڈ کے ایتھے آن کھلوتی اس پچھانہہ مڑ کے تکیا مچھی ہار جہڑی چننگ اکھیں پی جھمکدی سی بجھ گی سی۔
جدوں سوہنی پکی ہوی آوی دا منہ کھلدا اوہناں دے منہ وی چمک جاندے جس طراں دھپ وچ اوہ جا چمک جاندی سی۔اوہناں دا وڈکا آوی دا منہ کھولدا فیر بس رولا پے جاندا آوی سوہنی پکی اے، پچھلی دو واری مینہ نے بیڑی بوڑ چھڈی سی، ہن کسر نکل گی اے، بھانڈیاں سوہناں رنگ کڈھیا اے، بھانڈیاں دے تھلے جے ککھ تے سکا گھاہ سنگھناں ہووے بھانڈے چتکبریے سپ ہار پکدے نیں، جویں بھانڈیاں اتے کوڈیاں پیاں ہون ہر کوی اپنی اپنی سمجھ مطابق گل کردا۔اس واری مینہ دی ہک کنی وی نہیں ڈگی سی بلکہ بدل وی نہ دسے۔ اسمان بالکل کھرا رہیا۔آوی آلے رات نوں کسے ویلے جاگدے سر تے تارے تے تاریاں دا جھرمٹ ویکھ کے خوش ہوندے۔ پاسہ پرتدے تے بے چنت ہو کے سوں جاندے۔ کھرے اسمان چوں جویں نیندر تریل ہار پی ڈگدی ہووے۔اس واری اگ وی سوہنی مٹھی مٹھی ہو کے اتانہہ ٹری فیر مٹھی مٹھی بجھی۔ جے اگ مٹھی مٹھی اتانہہ ول ٹرے فیر بھانڈے چنگے پکدے نیں۔ جے بھانبڑ مچ جاوے یاں اگ پِھس جاوے بھانڈے بھسے رہ جاندے نیں۔بھانڈے بھسے نکلن تے آوی اجڑ جاندی اے۔ کوی جنانی آ کے بھانڈا نہیں چکدی بھانڈے آپے ای اوتھے بھر جاندے نیں جے کوی اوتھوں برتن بھانڈا چکدا تے بھانڈے دا کن جنانی دے ہتھ وچ رہندا اس دا ڈھڈ تھلے ڈگ جاندا۔
آوی وچ طراں طراں دے بھانڈے پکدے۔ کھان پین آلے برتناں توں علاوہ کھڈونے وی بن دے خاص قسم دیاں ٹنڈاں وی بن دیاں۔ اوہ ای ٹنڈاں جہڑیاں کھوہاں وچ ورتیاں جاندیاں اوہناں ٹنڈاں دی ہک ہور شکل وی سی اوہناں ٹنڈاں وچ باریک باریک موریاں رکھیاں جاندیاں۔ اہناں ٹنڈاں دی شوقین کڑی سی اوہناں باریک موریاں آلی ٹنڈاں وچ خاص تیوہار تے میلے ٹھیلے تے کڑیاں اس وچ موم بتی بال کے رکھدیاں۔ ساریاں کڑیاں کڑی دے پچھے پچھے لگ کے پورے لوکڑے دا چکر لوندیاں ہسدیاں گاندیاں نچدیاں ٹپدیاں کڑی سب توں اگے ہوندی تے گوندی
ٹننیاں ٹنانیں بالو
وچے چھج پرانے بالو
شاید اس دا مطلب ہوندا ہووے نواں ورہا چڑھ گیا اے پرانیاں شیاں نوں ساڑ سٹ دیو یاں کجھ ہور ہوندا ہووے دا پر اوہ لوکڑے دا چکر لوندیاں گلی وی سج جاندی تے لوکڑے دی کالی رات وی۔کڑی تے اس دیاں سہیلیاں دے سراں اتے ٹنڈاں ڈولدیاں تے موم بتیاں جھلارا کھاندیاں کدی موم بتی ڈولدی کدی کڑی۔اوہ لوکڑے دا چکر لا کے اپنے اپنے گھریں مڑ جاندیاں فیر اوہو ات ہنیرے دا لے چواں پاسے دِپ جاندا۔کڑی دروگھڑاں آلے کوٹھے وچ جاندی تے اگلے سال فیر کڈھن لی گٹھ وچ پے کنے دے منہ تے ڈھکن ہار اوہا ٹنڈ رکھ دیندی۔کڑی وی آوی وچ ٹنڈاں رکھوایاں سن۔ چک دے کول بہہ کے آپ اوہناں ٹنڈاں وچ باریک باریک سوراخ موریاں کڈھوایاں کجھ آپ وی تیلے نال ہسدیاں کھیڈدیاں موریاں کڈھیاں کہ موم بتی دے جھلار دی ساری رونق اوہناں موریاں نال بن دی۔
کڑی وی آوی تے اپڑ گی اوندیاں ای پیراں نال آوی نوں ٹھوکریا آوی دے اتوں ساہ اڈی تھلیوں بھانڈیاں دے رنگ چمکے۔لال سوہے بھانڈے، پورے تے عین وعین پکے ہوے بھانڈے۔نِکی صاف جا تے چپ کھلوتی آوی نوں تکدی رہی تے اس جا نوں وی جتھے اس دیاں شیاں پیاں سن کہ کِتے کڑی اوتھے وی پیر نہ مارے۔کڑی آوی دے چارچفیرے چکر لاے اخیر اوسے جا تے آن کھلو گی جتھے نکی نیں چننگ مچھی ہار اکھ جھمکاندی ویکھی سی۔کڑی پیرو واہنی سی پیرو واہنی ای بھانڈے کھڑکاندی پھردی سی۔ کدی کسے گٹھے وچ کھلوندی پیراں نال سگوں پیراں دیاں انگوٹھیاں نال کدی سجے کدی کبھے انگوٹھے نال ساہ ہٹاندی، تھلیوں بھانڈے دا منہ کھلدا تے اوہ اگے ودھ جاندی۔
ڈھاہڈیاں دے رنگ اگ ہار بکھ گے۔ اگ دا لانبو اتانہہ نکلیا۔ ہنیرے ڈبے گھراں وچ لکیاں ہویاں لانبو نہ تکیا پر اسمان لال سوہا ہوندا تکیا۔ لکیاں ہویاں دا ساہ بے آواز ہویا۔ اس ساہ اندر کھچ لیا۔ہک بولی شالا سونہا واپس نہ پرتدا تے انھے کھوہ دی آبادی دیاں عورتاں وچ نہ رل جاندیاں۔ ہکی آکھیا گھوڑی آلی آکھدی سی ہک جاگھ سانوں اڈیکدی اے ایہہ اوہ ای جاگھ اے۔ آوی آلی ٹبے آلی لانبو آلی۔چٹ متھیاں دے ڈر توں جس ساہ اندر کھچیا سی اس سارا ساہ باہر کڈھیا۔کڑی اس جا تے بھانڈیاں نوں ٹھوکریا جتھے چننگ مچھی ہار اکھ جھمکی سی۔ اوتھے بھانڈے تتے تا وچ سڑ گے سن کڑی بھانڈے دا سڑیا ہویا منہ ویکھیا، کالا شاہ منہ۔