پاکستان طبی کانفرنس تے بزم قرشی پاکستان دے پربندھ ہیٹھ پروقار پروگرام

پاکستان طبی کانفرنس تے بزم قرشی پاکستان دے پربندھ ہیٹھ قرشی لہور آفس لائبریری وچ انتہائی پروقار لیکچر تے پروگرام دا پربندھ کیتا گیا جہدی صدارت صدر نیشنل کونسل فار طب پروفیسر حکیم محمد احمد سلیمی نے کیتی تے اچیچے پروہنے ممبر نیشنل کونسل فار طب تے چیئرمین ویدک کمیٹی پروفیسر حکیم وید محمدجمیل خان۔ محترمہ طبیبہ رابعہ محمود چیئرپرسن سائنس اینڈ ریسرچ کمیٹی نیشنل کونسل فار طب استاد مکرم پروفیسر حکیم اسلم طالب صاحب سن۔
پروگرام دا آغاز قرآن مجید توں کیتا جہدی سعادت حکیم تصور محمدی نے تے حدیث مبارکہ دی سعادت ڈاکٹر تے حکیم مفتی محمد یوسف نے حاصل کیتی۔
نظامت دے فرائض حکیم تصور محمدی نے ادا کیتے پروگرام دو حصیاں اتے مشتمل سی پہلے حصے وچ محترمہ طیبہ رابیعہ محمود چیئر پرسن سائنس اینڈ ریسرچ کمیٹی NCT نے ذیابطیس اتے مفصل تے جامع لیکجر دتا۔ ذیابطیس دے اسباب’علامت تے طب یونانی وچ اوہدا علاج دسیا تے استاد محترم پروفیسر حکیم اسلم طالب صاحب دی خدمات نوں خراج تحسین پیش کیا گیا۔
پروگرام دے دوجے مرحلے وچ استادالا اساتذہ پروفیسر حکیم اسلم طالب دی طب’ طبیب تے رفاعی خدمات نوں خراج تحسین پیش کیتا گیا۔ مہمانان اعزاز وچ استاد مکرم پروفیسر حکیم خالد مبین خان لودھی، پروفیسر حکیم محمد سلیم احمد خان، حکیم مدثر مظفر سواتی ، حکیم امجد وحید بھٹی ، حکیم محمد اسماعیل ، حکیم نذیر تابش ، حکیم صدیق طالب ، پروفیسر حکیم محمد اشفاق ، پروفیسر حکیم محمد شفیق ، حکیم منظور احمد ، حکیم محمد شفیق احمد ،حکیم محمد ابوبکر حکیم آصف اقبال ، حکیم سید عبدالرشید شیرازی ، حکیم ابوبکر بن یحیی صدر پی ٹی سی حجامہ ونگ ، حکیم مفتی محمد یوسف صدر پی ٹی سی جراحت ونگ ، حکیم معین احمد ، پروفیسر حکیم ندیم احمد ، حکیم ولایت علی گوھر ، حکیم افتخار نجمی ، حکیم احمد حسن نوری ، حکیم عطا الرحمن صدیقی ، ڈاکٹر سکندر حیات زاھد ، حکیم عمر فاروق گوندل ، حکیم فیصل صدیقی ، حکیم محمد اعظم ،حکیم جواد گل ، طبیبہ ناہید اشفاق ، طبیبہ محمودہ سلطانہ ، طبیبہ ساجدہ نور ، طبیبہ فاطمہ اکرام ، طبیبہ تسنیم ملک ، طبیبہ ماریہ تے پروفیسر حکیم ڈاکٹر سیف اللہ خان لودھی سنے حکما دی وڈی تعداد نے رلت کیتی۔
ایس موقعے تے صدر نیشنل کونسل فار طب حکیم محمد احمد سلیمی نے اپنے استاد نوں خراج تحسین پیش کردے ہوئے آکھیا کہ اج جے میں ایس مقام اتے آں تے ایہہ سب استاداں دی دعاواں نال آں ۔ زندہ قوماں ہمیشہ اپنے محسن استاداں نوں یاد رکھدیاں نیں تے اوہناں دی قدر کردیاں نیں تے باقی تمام حکما اکرام نے پروفیسر حکیم محمد اسلم طالب دی طب ‘ طبیب تے رفاعی خدمات لئی گراں قدر خدمات اتے اوہناں نوں خراج تحسین پیش کیتا۔
جن کے کردار سے آتی ہو صداقت کی مہک
ان کی تدریس سے پتھر بھی پگھل سکتے ہیں
اوہناں نے آکھیا کہ استاد یا معلم اوہ اے جہڑے متعلم یا طالبعلم دی مدد تے معاونت تے رہنمائی کردا اے۔ ابتدائی تے ثانوی درجے دے مدرسے’ سکول’ کالج یا فیر جامعات وچ۔ غرض ایہہ کہ درسگاہ کوئی وی ہووے’ معلم دے بغیر درسگاہواں دا تقدس بالکل انج ای اے جیویں کہ ماں دے بغیر گھر۔ اک معلم سکھن دے عمل وچ انتہائی موثر تے مستند راہبر ثابت ہوندا اے۔ مذکر لئی معلم تے مونث لئی معلمہ دا صیغہ استعمال کیتا جاندا اے۔
مقررین نے خطاب کردے ہوئے آکھیاکہ کسے وی معاشرے وچ معلم دا کردار طرز معاشرت اتے منحصر ہوندا اے۔ بہت سارے معاشریاں وچ معلم یا معلمہ نوں صرف تعلیمی مضمون پڑھان دا ذریعہ سمجھیا جاندا اے تاہم اک معلم دے فرائض وچ ہور وی بہت ساری چیزاں شامل نیں جیویں کہ ہدایات’ پیشہ ورانہ تربیت’ سماجی بہبود دا شعور تے زندگی وچ کامیابی لئی ضروری دوجی ضروری صلاحیتاں۔ ایہہ پیشہ اپنی نوعیت دے پیش نظر نہایت مقدس تے باعزت سمجھیا جاندا اے کیوں جے اک معلم بچیاں دی چنگی تربیت تے تعلیم دیند ا اے۔ اپنی قوم دے مستقبل دی تعمیر کر رہیا ہوندا اے۔ اوہناں نے آکھیا کہ ا ستاد الاساتذہ پروفیسر حکیم اسلم طالب بہت عمدہ نفیس تے خوبصورت صلاحیتاں دا مجموعہ انسان نیں۔ اوہناں نے اپنی ساری زندگی طلبا دی خوبیاں نوں باہر کڈن اتے صرف کر دتی۔