کجھ ادب کجھ سیاست

پھر چشم نیم وا سے ترا خواب دیکھنا
پھر اس کے بعد خود کوتہہ اب دیکھنا
ٹوٹا ہے دل کا آئینہ اپنی نگاہ سے
اب کیا شکست ذات کے اسباب دیکھنا
تسیں وی جان دے او کہ انسان دے اپنے اندر ای اوہدی خرابی دی صورت چھپی ہوندی اے۔ ایہ میرا نہیں سگوں غالب دا خیال اے بس ایہو صورت سانوں خراب کردی اے سگوں دوجیاں نوں وی۔ تسیں ویکھدے نہیں کہ لوک اک دوجے نال کس طرح لڑ رہے نیں تے اوہ غور وی نہیں کردے کہ آخر اوہ کیہ کر رہے نیں۔ اوہناں لوکاں لئی لڑ رہے نیں جو اصل وچ سارے اک نیں جو مورلیکول نیں۔ بہتر نہیں کہ اسیں کوئی چنگی جہی کتاب پڑھیے ادب آداب دی دنیا وچ اتر جائیے: شعر یاد آ گیا:
تلخی میں بھی وہ بھولا نہیں آپ اور جناب
تہذیب اس کی دیکھنا آداب دیکھنا
تسیں اوہناں نوں سنو تے سہی کوئی کسے نوں باندر کہہ رہیا اے تے کوئی کسے نوں چھچھوندر۔ دسو کیہ ایہ انساناں والیاں گلاں نیں۔ تسیں فراز نوں سنو تے خوش ہو جائو۔ سنا ہے بولے تو باتوں سے پھول جھڑتے ہیں یہ بات ہے تو چلو بات کر کے دیکھتے ہیں۔ سنا ہے دن میں اسے تتلیاں ستاتی ہیں سنا ہے رات کو جگنو ٹھہر کے دیکھتے ہیں ۔ فراز ای کیہ منیرنیازی نوں سنو۔ اک شام سی کر رکھنا کاجل کے کرشمے سے اک چاند سا آنکھوں میں چمکائے ہوئے رہنا چھلکائے ہوئے چلنا خوشبو لب لعلیں کی اک باغ سا ساتھ اپنے مہکائے ہوئے رہنا،عادت ہی بنا لی ہے تم نے تو منیر اپنی جس شہر میں بھی رہنا اکتائے ہوئے رہنا۔
کہنا میں ایہ چاہنا واں کہ خدا واسطے اپنے اندر اک بانکپن پیدا کرو ۔ اک رکھ رکھائو تہاڈے وچ ہونا چاہیدا اے۔ دکھ نال کہنا پیندا اے کوئی جناں بدتہذیب تے منہ پھٹ اے اونی ای عزت اوہدی پارٹی وچ اے۔ عزت و توقیر پان والا نہیں سمجھ پاندا کہ پارٹی دے رہنما نے اوہنوں کس مقصد لئی رکھیا ہویا اے۔ اوہنوں دشمناں تے چھڈیا جاندا اے سچی گل اے مینوں تے کجھ لوک ای نظر آندے نیں جو گھٹو گھٹ تھوڑا جیہا خیال کر لیندے نیں ناں لکھن دی لوڑ نہیں فیر وی میں بلاول تے احسن اقبال دے ناں ضرور لکھاں گا حسن تے کسے وی تھاں نظر آندا اے جیویں ہر تھاں شاعری وی ظہور کردی اے۔ مثلاً مینوں ہمیشہ کرکٹر لارا نے بڑا متاثر کیتا کہ اوہدی بیٹنگ شاعری سی۔ غالب دا اک شعر ویکھو:
پوچھا جو میں نے یار سے اڑتے ہیں ہوش کس طرح
دیکھا کہ میری بے خودی چلنے لگی ہوا کہ یوں
سوچنا چاہیدا اے کہ تسیں اپنے آپ نوں کس ماحول نال جوڑ رہے او۔ فطرت نال تسیں جڑن لئی منتظر او اپنے آپ نوں لبھو۔ ہوا دے نال نہ لڑو’ ایس طرح اپنا آپ محسوس نہیں ہوندا تے صلاحیتاں وی اجاگر نہیں ہوندیاں ہنے اک شعر یاورعظیم دا ویکھیا تے سوچیا لکھ دیواں:
میں روشنی کے قبیلے کا فرد ہوں یاور
یہ چاند اور ستارے ہیں ہم نسب میرے
یقین کرو کہ کالم جس رخ تے چل پیا اے تے دل نہیں کردا کہ ایہنوں سیاست ول لے جاواں کہ سیاست نوں آپ کوئی پتہ نہیں کہ اوہ کدھر جا رہی اے۔ بہرحال چنگا لگا کہ آصف محمود جی نے اک ادبی انداز وچ نوازشریف نوں وی آئینہ وکھا دتا کہ اوہناں نوں وی سلام پیش کر دتا کہ دو دن پہلاں نوازشریف نے تن ججاں نوں حمزہ دے معاملے وچ طنزاً سلام گھلیا سی۔ سانوں پوری طرح یاد اے کہ جدوں سپریم کورٹ تے حملہ کروایا گیا سی اوہدے وچ ساڈے پیارے دوست طارق عزیز صاحب وی سن سگوں گیپ تے اوہو چڑھدے سن اسیں اوہناں دے نال دل گی کردے سی اوہ مسکران لگدے اصل وچ نوازشریف وچ بادشاہت سی انج ای جیویں پرویزمشرف سی اوہناں دیہاڑیاں دا اپنا شعر وی یاد آ گیا جو وکلاء تحریک وچ میں کہیا سی:
اے خدا لوگ تجھے دیکھتے ہیں اور تونے
ایک فرعون کی مہلت کو بڑھا رکھا ہے
رہند کھوہند تے ضیاالحق دی وی چل رہی اے کوشش تے ساریاں نے کیتی اپنی حریت پسندی وکھا کے داغ غلامی مٹایا جاوے پر طاقت دے سامنے بے بسی نظر آئی کاش ایہ سیاستدان مثبت رویے رکھدے تے اوہدے وچ برکت اتردی پر ہویا کیہ نوازشریف وی شیخ رشید نوں اوہناں نوں خاص مقصد لئی استعمال کردے سن تے بینظیر ٹارگٹ ہوندیاں سن منفی اپروچ وی زرداری تے مقدمے تے زرداری نے بڑی دیر بعد حساب برابر کیتا فیر وعدہ خلافیاں دا تذکرہ کیتا تے کالم ختم ہو جاوے گا ایہ غلط نہیں کہ چوہدری برادران ڈسے ہوئے نیں پر ہن تے اوہ اک دوجے نوں ڈس رہے نیں۔ ایسے منفی سیاست نوں عروج ہر دور وچ ملیا زبان کجھ ہور گندی ہوندی گئی جارحانہ رویے لعن طعن تے دھمکیاں۔ تسیں کجھ وی کہہ لوو بجائے اپنی کارکردگی وکھان یاں دسن دے جان والیاں دے نقص’ پوری سیاست پکڑ دھکڑ تے بڑھکاں نتیجہ صفر۔ پر موازنہ نہ کرن والے ہمیشہ اوہو وڈی تے چھوٹی بیماری دے چکر وچ فیصلہ کردے نیں۔ جس طرح زرداری دے مقابلے وچ لوکاں نے نوازشریف بہتر سمجھیا شاید انج ای اوہناں نے عمران خان نوں نوازشریف توں بہتر سمجھیا کسے نے کسے نوں کیہ سمجھیا ایہ وی وکھری گل اے لوک پچھدے تے ہے نیں ناں کہ آخر سٹیٹ بینک تک وی گروی رکھ دتا گیا معیشت دی طرح باقی معاملے وی وگڑدے جا رہے نیں ہن پنجاب وفاق دے راہ وچ وڈی رکاوٹ ہووے گا انج ای جیویں کدی پنجاب بینظیر نوں کجھ نہیں سی سمجھدا اوہو تریخ دہرائی جاوے گی تسیں ایہنوں مکافات عمل وی کہہ سکدے او۔ اک شعر دے نال اجازت:
شکریہ تیرا کہ تونے ہمیں زندہ رکھا
ہم کو محرومی کا احساس دلانے والے