کتاب میلہ وسیب تے آبی ریلا…

مجلس ترقی ادب دی چھترچھاویں کتاب نال محبت دی تجدید لئی کتاب میلہ تے نوجوان شاعراں دا مشاعرہ کروایا گیا اجے بدل غضب ناک نہیں ہوئے سن اجے وسیب دی شاعری اسمان دیاں اچائیاں نوں چھو رہی سی منصور آفاق دا جنم میانوالی دا اے جتھے انساناں دے حقیقی دکھاں دی آشنائی تے وسیب دے سانجھے دکھ شاعری وچ اکٹھے ہو کے رنگ بدلدے رہندے نیں۔ میرے بہت سارے دوستاں دا تعلق وسیب نال اے خوشحال پنجاب دے بے فکرے شاعراں دی نسبت جنوبی پنجاب دے شاعراں تے ادیباں دی تصانیف وچ پرکھاں دے دکھاں دا رس نچڑدا اے بے انصافی تے بلبلاہٹ پر لڑن دی طاقت موجود اے مٹھی سرائیکی زبان وچ لہجے دی کڑواہٹ تے بھکھ دا زہر گھولن والے اج وی بے حس حکمران نیں۔ سانوں نہیں پتہ کہ اینے خرچہ آ جاندا اے جو تن چار بیرونی دوریاں تے دس پندرہ دعوتاں دے نیں۔ ساڈے فوجی فیر وی بلوچستان وچ امداد کردے ہوئے راہ حق وچ جاں بحق ہوئے پر اک وی سیاستدان نہ پانی وچ ڈبیا نہ مریا۔
برق گرتی ہے تو بے چارے مسلمانوں پر
چھوٹی عمراں دے قلمکار جیویں صباحت عروج’ تہذیب باقی’ اظہار سید زری’ اشرف عمران راہب تے دوجے دن رات محدود وسیلے لے کے تونسہ کوہ سلیمان وسیب دے سارے علاقیاں وچ سامان دیاں پوٹلیاں’ دوائیاں ونڈدے پھر رہے نیں اوتھے کنک دے بھرے بھڑولے زمین تے پانی وچ گھل کے اپنی توہین تے خشبو دا الٹ ہو گئے نیں۔ ایس سیلاب بلا توں پہلاں منصور آفاق جو صدر نشین مجلس ترقی ادب نیں نے محدود وسیلے وچ ای پورے 2 کلب روڈ نوں کتاباں دا میلہ بنا دتا اک پاسے فوک فنکاراں دی گائیکی تے دوجے پاسے نوجوان شاعراں دا مشاعرہ مرتب کیتا جہنوں نوجواناں دے نال نال سینئرز نے وی سراہیا لوکاں نوں سو سو مشاعریاں وچ اک ای غزل سنان والیاں توں نجات ملی تازگی دا جھونکا مسئلیاں نوں قلمبند کردی شاعری جہدے وچ مشروم خان تے تہذیب بانی قدیم شاعرانہ روایت تے جدید جوچتی زندگی دے مسئلیاں نوں شاعری وچ ڈھالدے وکھائی دتے۔ایس کتاب میلے وچ کتاباں دے انچارج محمد بوٹا’ لائبریرین مہرین زبیر تے سب توں ودھ کے معروف شاعر تنقید نگار محقق شفیق خان نے چارچن لا دتے۔
مجلس ترقی ادب اج جس مقام تے تیزی نال سفر کرکے نویں بلڈنگ ای لائبریری’ جدید ہال’ دفتر’ لٹریری میوزیم تے سب توںودھ کے چائے خانہ بنان دی جناتی قوت سمیرہ چشتی تے منصور آفاق دے کمیشن دی وجہ نال اے۔ سمیرہ پتہ نہیں کس میٹریل نال بنی اے صبح اٹھ وجے ویکھو تے دفتر رات اٹھ وجے تقریباں کرواندی ہوئی پوری دوپہر ٹھیکیدار مزدوراں نال کھپدی ہوئی نہ تھکدی اے نہ سوندی اے نہ کدی آرم کردی اے۔ مجلس ترقی ادب دی خاموش ٹھہری ہوئی ساکت عمارت وچ زنگ آلود فائلاں دیمک زدہ مسودیاں’ قیمتی مخطوطاں نوں جس محبت نال محفوظ کیتا گیا اے اوہدا سہرہ منصور آفاق دے سر اے جہناں نے صرف سال بھر وچ پوری بیرو کریسی دے اسراررموز توں وی آگاہی کیتی پی این سکیماں دا وی اجرا کیتا عمارت وی بنائی کتاباں وی چھاپیاں۔
ڈرامہ نگار’ کالم نگار شاعر منصور آفاق اپنی ذات وچ لبالب اے اوہنوں دوجیاں نوں پروموٹ کرنا چنگا لگدا اے جو کتاب میلہ چوداں اگست دی پچھترسالہ تقریبات دے حوالے نال لگا اوہدے وچ کراچی توں لے کے خیبر تلک ان گنت پبلشراں نے شرکت کیتی۔ چار دن مجلس ترقی ادب واقعی ادب دی ترقی دی مجلس بن گئی۔ شاکر شجاع آبادی نوں سنیا تے پتہ لگا وسیب تے کیہ بے انصافی دے بدل وسدے نیں اوہدے وچ اسیں نہ شامل ہوندے ہوئے وی مجرم ہو جانے آں۔
بدی کرتا ہے دشمن اور ہم شرمائے جاتے ہیں
پر اینے وڈے وسیب دے اپنے منتخب نمائندے وی جدوں اپنی زمین لئی کجھ نہیں کردے تے فیر تے دوجے خوشحال سیاستداناں نوں ہور بے حسی دے جواز مل جاندے نیں۔ مدد کرن لئی کوئی دلیل نہیں چاہیدی ہوندی پر بے حسی نوں ہزاراں جواز چاہیدے ہوندے نیں کئی لوک کہندے نیں سندھ دا چولستان ہووے یاں وسیب دا علاقہ یاں بلوچستان دے زیر آب علاقے ایہ لوک اپنا علاقہ کیوں نہیں چھڈ دیندے اجہے بے معنی سوال کرن والیاں نوں زمین نال محبت ‘ پرکھاں دیاں قبراں تے اپنے دریا’ پہاڑاں’ صحراواں نال کوئی مطلب نہیں ہوندا ایہ بس جتھے کرنسی ہوندی اے اوہنوں ای وطن بنا لیندے نیں۔
بڑی مشکل سے دن کاٹا
کبھی قہوے کے نشتر سے
کبھی چائے کے آرے سے
کبھی سگریٹ کی چھینی سے
کبھی سوہان پانی کے کڑے
تیزاب دھارے سے
بڑی مشکل سے دن کاٹا
برادہ وقت کا ہاتھوں سے جھاڑا
زرد گرد آلود پوریں
جو گزشتہ دن لمحوں سے آئی تھیں
شام کے آنچل سے پونچھیں
اور پھر رات کے نمکین نمید بحراسود میں اتر کر
اس سفینے کے لئے پتھرا گیا
جس میں اسے میرے لئے ساحل پہ آنا تھا
میں اب تک پنڈلیوں کی مچھلیاں
پانی میں ڈالے
بحرا سود میں کھڑا ہوں ٭