ردِ قادیانیت وچ علمادا کردار

7ستمبر 1974 دا دیہاڑ تریخ ساز دیہاڑ اے۔ جہدے وچ اہلحدیث’ دیوبند’ بریلوی مکاتب فکر دے مشائخ و شیوخ نے ان تھک جدوجہد تے قربانیاں مگروں مرزائیاں’ قادیانیاں نوں غیر مسلم (کافر) قرار دتا گیا۔ ایس واقعہ دی یاد وچ ایس دن نوں یوم فتح دے نام توں ہر سال منایا جاندا اے۔ 7ستمبر 1974 دا دیہاڑ ساڈے لئی کسے خوشی تے سعادت توں گھٹ نہیں اے کیوں جے ایہہ ساڈے اکابرین تے اسلاف دی کوششاںتے لاتعداد قربانیاں دا ثمر اے جہناں دی کاوشاں نال اک دیرینہ مسئلہ حل ہویا لیکن ایس دن مگروں قادیانیاں نے آئین توں بغاوت کردے ہوئے خود نوں غیر مسلم (کافر) تسلیم کرن توں انکار کردتا۔ 1891 وچ جدوں مرزا غلام قادیانی نے نبوت دا جھوٹا دعویٰ کیتا تے سب توں پہلاں مولانا محمد حسین بٹالوی نے اوہدے خفر نوں بے نقاب کیتا تے سید نذیر حسین محدث دہلوی سنے دو سو علما دے دستخطاں نال متفقہ طور تے مرزا غلام قادیانی دے دائرہ اسلام تون خارج ہون دا فتویٰ جاری کیتا۔ مرزا قادیانی توں سب توں پہلا مباہلہ جون 1893 وچ عید گاہ اہلحدیث امرتسر وچ مولانا عبدالحق غزنوی نے کیتا۔حیات مسیح اتے پہلا تحریری مناظرہ مونا بشیر احمد شہسوانی نے دہلی وچ 1894 وچ کیتا جتھے مرزا ملعون فراراختیار کر گیا۔ ایہدے مگروں سب توں پہل کتابچہ مولانا اسماعیل علی گڑھی نے تحریر کیتا۔ سب توں پہلے کتاب کم عمری وچ علامہ قاضی سلیمان منصور پوری نے لکھی جہڑے کہ مگروں شہرہ آفاق سیرت نگار دے طور تے مشہور ہوئے۔ سب توں پہلاں قادیان پہنچ کے مرزا غلام قادیانی تے مرزائیت دی دھجیاں اُڈان والی عظیم شخصیت شیخ الاسلام مولانا ثنا اللہ امرتسری دی سی جہناں نوں سارے مکاتب فکر فاتح قادیان دے لقب نال یاد کردے نیں۔ ایہو اوہ مولانا ثنااللہ امرتسری نیں جہناں دے نال مبالہ دی دعا وچ مرزا قادیانی ہلاک ہو کے جہنم واصل ہویا۔ علامہ احسان الٰہی ظہیر شہید دی القادیانیت’ مرزائیت تے اسلام’ عربی’ اردووچ شائع کر کے عظیم کارنامہ سرانجام دتا۔ علمائے اہلحدیث’ دیوبند’ بریلوی مکتب فکر دے مشائخ نے تحریک ختم نبوت وچ بے مثال قربانیاں دتیاں نیں جہناں نوں بیان کیتا جاوے تے مکمل کتابچہ تشکیل دتا جا سکدا اے۔
آغا شورش کاشمیری مرحوم نے اپنی زندگی دی آخری تصنیف تحریک ختم نبوت وچ لکھیا اے مولانا محمد حسین بٹالوی اہلحدیث دی اوہ بلند پایہ شخصیت نیں تے چوٹی دے اہلحدیث عالم دین سن جہڑے سب توں پہلاں قادیانیت دے خلاف میدان وچ آئے تے مرزا ملعون نوں مناظرہ دا چیلنج دتا۔اوہ وعدے مواعید کردا تے تریخاں اتے تریخاں دیندا رہیا لیکن مدمقابل آن توں گریز کردا رہیا۔ بالآخر مولانا محمد حسین بٹالوی اپنے استاد گرامی قدر محدث وقت سید میاں نذیر حسین محدث دہلوی دی خدمت وچ حاضر ہوئے تے مرزا دے کفر اتے اوہناں کولوں فتویٰ لیا فیر سارے مکاتب فکر دے ممتاز علمائے کرام دے کول جا کے دو صد توں ودھ علمائے عظام دے اوہدے اتے دستخط لئے۔ تحریک ختم نبوت از شورش کاشمیری صفحہ 40مطبوعات چٹان لاہور (فتنہ قادیانیت دا آغاز ہندوستان دے اک قصہ قادیان توں ہویا ایہدا بانی اک انگریز دا خودساختہ ایجنٹ مرزا غلام قادیانی سی۔ 1953دی ختم نبوت دی تحریک وچ علمائے دیوبند’ ربیلوی مکتب فکر دے علمائے مشائخ دے نال سرفہرست علمائے اہلحدیث دا کردار ایہدے اتے پاور بنیا۔ مولانا سید محمد داد غزنوی ایس تحریک دی مجلس عمل دے سیکرٹری جنرل سن’ مولانا محمد اسماعیل سلفی آف گوجرانوالہ’ مولانا عبدالحمید سوہدروی’ علامہ محمد یوسف کلکتوی کراچی’ مولانا معین ا لدین لکھوی’ مولانا حکیم عبدالرحمن آزاد گوجرانوالہ’ مولانا محمد عبداللہ گورداسپوری’ مولانا عبدالرشید صدیقی ملتان’ مولانا عبداللہ احرار’ مولانا حکیم عبدالرحیم اشرف’مولانا حافظ اسماعیل روپڑی ، مناظر اسلام مولانا حافظ عبد القادر روپڑی ، مولانا حافظ محمد اسماعیل ذبیح راولپنڈی ، مولانا حافظ محمد ابراہیم کمیرپوری ، مولانا علی محمد صمصام ، مولانا احمد دین گھگڑوی دے علاوہ ہزاراں علمائے اہل حدیث جہڑے اوس زمانے وچ سن اوہناں دا کردار ختم نبوت دی تحریک وچ نمایاں رہیا جہدے وچوں اکثر و بیشتر نے قیدوبند دی صعوبتاں نوں برداشت کیتا۔ ایس تحریک وچ مولانا علی محمد صمصام’ مولانا احمد دین گھکڑوی ‘ مولانا محمد صدیق’ مولانا محمد ابراہیم خادم تاندلیانوالہ دی خدمات ناقابل فراموش نیں۔ اوس دور دے اوہناں بلند پایہ علمائے مشائخ نے قادیانیت تحریک وچ حصہ لے کے قادیانیت دے پرخچے اُڈا دتے۔ جدوں 29مئی 1974 نوں نشتر طلبہ دے اک گروپ اتے تے اک قافلے اتے قادیانیاں نے حملہ کیتا اوہدے وچ کئی لوک لہو وچ نہا گئے۔ فیر ایہہ تحریک چلدی چلدی قومی اسمبلی تک جا پہنچی تے لمی بحث مگروں 7ستمبر 1974 نوں متفقہ طور تے قادیانیاں نوں مکمل طور تے غیر مسلم کافر قرار دتا گیا۔