سیاسی عداوت تے اداریاںداکردار

سیاست تے جمہوریت دا آپس وچ چولی دامن دا ساتھ اے تے اک دوجے دی رائے دا احترام ای جمہوریت دا حسن اے۔ ہر ملک تے معاشرے وچ سیاست کرن تے اوہنوں اگے ودھان دا اک اپنا انداز تے معیار ہوندا اے جیویں پاکستان وچ اج تک صحیح معنیاں وچ جمہوری ای پنپ نہیں سکی ایسے طرح ایتھے سیاست وچ اقدار تے معیار وچ نمایاں کمی اے۔ بدقسمتی نال ایتھے سیاست ذات دے گرد گھمدی اے جہدے وچ ذاتی حملے’ اخلاق توں ڈگی ہوئی گل بات’ جھوٹے الزام تے کردارکشی معمول دی گلاں نیں۔ کسی دی ذات اتے کیچڑ’ جھوٹے الزام تے کردارکشی معمول دی گلاں نیں تے چونکہ ایتھے ہتک عزت دے قنون نوں اہمیت نہیں دتی جاندی لہٰذا لوک الزام لان وچ کوئی عار وی محسوس نہیں کردے۔ ایسے طرحاں سیاسی مخالفاں اتے جھوٹے مقدمے بنا کے جیلاں وچ پانا وی ساڈے ہاں اک عام جئی گل اے۔ ایہناں مقدمیاں دا بنیادی مقصد سیاسی مخالفاں نوں ڈرانا’ دھمکانا تے تکلیف دینا ہوندا اے تاں جے دوجیاں نوں وی ڈرایا جا سکے تے مخالفین وچ اک خوف دی فضا پیدا ہووے۔ عدالتی نظام ایس قدر پستی دا شکار اے کہا نسان نوں اپنی بے گناہی ثابت کرن وچ کئی سال لگ جاندے نیں تے اوس وقت تک اوہ جیل وچ ای پیا رہندا اے جدوں بالآخر رہیا ہوندا ے تے اوہدی حیاتی دے اوہ قیمتی سال جہڑے اوہ بے گناہ ہون دے باوجود جیل وچ گزاردا اے اوہ ظاہر اے کوئی واپس نہیں دوا سکدا۔ ایس دوران کردارکشی دی صورت وچ حاصل اذیت دا تے کوئی حساب ای نہیں۔
ایس پورے ماحول وچ بعض ادارے جہڑے کہ قومی ادارے کہلاندے نیں تے جہدا بنیادی مقصد ریاست دی مضبوطی تے استحکام لئی کم کرنا ہوندا اے اوہ وی ایس سیاسی عداوت نوں اگے ودھان وچ استعمال ہوندے نیں۔اوہناں وچ نیب’ ایف آئی اے’ پلس تے آئی جی جئے اہم ادارے شامل نیں۔ نیب دا دارہ جہدا بنیادی مقصد ای ملک توں بدعنوانی دا خاتمہ اے اوہ وی اپنے اختیارات توں تجاوزات کردے ہوئے ایس سیاسی انجینئرنگ دا روح رواں بندا نظر آندا اے۔ ایس ادارے نے عموماً اپنے اختیارات توں تجاوز کیتا اے۔ سیاسی مخالفاں اتے حکومت دی ایما تے مقدمات بنائے جاندے نیں۔ اوہناں نوں جیلاں وچ بند کیتا جاندا اے مگروں کجھ نہ ثابت ہون دی بنا تے فیر اوہناں نوں رہا کردتا جاندا اے۔ پچھلی حکومت دے دور سیاسی نفرت تے عداوت دی بنا تے مخالفین دے خلاف نیب نوں بھراوں طریقے نال استعمال کیتا گیا جہدی وجہ نال اوہدا نام بہت بدنام ہویا۔ بہت سارے لوکاں دی زندگیاں ایس ادارے نے تباہ کر دتیاں نیں جدوں کیس عدالت وچ جاندا اے تے عدالت ثبوت منگدی اے جو کہ دتے نہیں جاندے بلکہ تاخیری حربے استعمال کیتے جاندے نیں تاں جے کیس التوا دا شکار ہوندا رہوے تے مقصود شخص اذیت دا شکار رہے۔ میاں نواز شریف تے مریم نواز دا کیس ایس سلسلے دی اک بہترین مثال اے جتھے نیب نے صرف حکومت دی ایما تے ایسے کیسز بنائے جہناں دا حقیقت نال تعلق نہیں سی فیر اوہناں کیساں دی بنیاد تے دونوواں نوں سزاواں دوائی گئیاں تاں جے اوہناں نوں سیاست توں دور رکھیا جاوے تے کردارکشی دے ذریعے بدنام کیتا جاوے۔ ہن جدوں اوہناں سزاواں دے خلاف اپیلاں عدالت وچ زیر سماعت نیں تے روزانہ نیب نوں عدالتاں دے ہتھوں ہزیمت چکنی پیندی اے کیوں جے عدالت بار بار ثبوت منگدی اے جدکہ نیب پراسیکیوٹر ثبوت نہ ہون تے صرف التوا منگدا اے۔ کیس پچھلے تن سال توں عدالت وچ زیر سماعت اے جد کہ عدالت نیب نوں مسلسل وقت دے رہی اے ثبوت پیش کرے مگر نیب ایسا کرن توں قاصر اے۔
جے فاضل عدالت دے ریمارکس ویکھے جان تے عقل دنگ رہ جاندی اے۔ اک شخص تے اوہدے خاندان نوں صرف مفروضیاں دی بنا اتے سزا دوائی گئی اے تے ہن جدوں اعلیٰ عدالت ثبوت منگ رہی اے تے نیب ولوں مسلسل خموشی اے۔ ایس طرح دے طرزعمل نال التوا تے لیتا جا سکدا اے مگر انصاف دے بالآخر حصول نوں روکیا نہیں جا سکدا۔ پچھلے دناں دی سماعت دے دوران تے عدالت نے ایس کیس دی بنیاد اتے ای سوال چک دتے نیں جہدے توں معاملہ ہور گھمبیر ہو گیا اے۔ ایس طرح پچھلے دناں اسلام آباد ہائیکورٹ نے وفاقی وزیر احسن اقبال نوں وی نارووال سپورٹس سٹی کمپلیکس کیس وچ باعزت بری کردتا اے۔ احسن اقبال جہناں دی دیانت’ محنت’ قابلیت تے شرافت دی دنیا قائل اے اوہناں اتے صرف سیاسی مخالفت دی بنیاد اتے اک جھوٹا کیس بنایا گیا جہدی دنیا وچ اوس ویلے وی مذمت کیتی گئی۔ احسن اقبال نے اسمبلی دے فلور اتے کھڑے ہو کے وفاقی وزیر مراد سعید نوں چیلنج کیتا سی۔ ایہہ اک صریحاً فلاحی منصوبہ سی جہدا مقصد نارووال دے نوجواناں نوں کھیڈاں دی اعلیٰ معیار دی سہولتاں فراہم کرنا سی۔ایس پورے ماحول وچ بعض ادارے جہڑے کہ قومی ادارے کہلاندے نیں تے جہدا بنیادی مقصد ریاست دی مضبوطی تے استحکام لئی کم کرنا ہوندا اے اوہ وی ایس سیاسی عداوت نوں اگے ودھان وچ استعمال ہوندے نیں۔اوہناں وچ نیب’ ایف آئی اے’ پلس تے آئی جی جئے اہم ادارے شامل نیں۔ نیب دا دارہ جہدا بنیادی مقصد ای ملک توں بدعنوانی دا خاتمہ اے اوہ وی اپنے اختیارات توں تجاوزات کردے ہوئے ایس سیاسی انجینئرنگ دا روح رواں بندا نظر آندا اے۔ ایس ادارے نے عموماً اپنے اختیارات توں تجاوز کیتا اے۔ سیاسی مخالفاں اتے حکومت دی ایما تے مقدمات بنائے جاندے نیں۔ اوہناں نوں جیلاں وچ بند کیتا جاندا اے مگروں کجھ نہ ثابت ہون دی بنا تے فیر اوہناں نوں رہا کردتا جاندا اے۔ پچھلی حکومت دے دور سیاسی نفرت تے عداوت دی بنا تے مخالفین دے خلاف نیب نوں بھراوں طریقے نال استعمال کیتا گیا جہدی وجہ نال اوہدا نام بہت بدنام ہویا۔ بہت سارے لوکاں دی زندگیاں ایس ادارے نے تباہ کر دتیاں نیں جدوں کیس عدالت وچ جاندا اے تے عدالت ثبوت منگدی اے جو کہ دتے نہیں جاندے بلکہ تاخیری حربے استعمال کیتے جاندے نیں تاں جے کیس التوا دا شکار ہوندا رہوے تے مقصود شخص اذیت دا شکار رہے۔ میاں نواز شریف تے مریم نواز دا کیس ایس سلسلے دی اک بہترین مثال اے جتھے نیب نے صرف حکومت دی ایما تے ایسے کیسز بنائے جہناں دا حقیقت نال تعلق نہیں سی فیر اوہناں کیساں دی بنیاد تے دونوواں نوں سزاواں دوائی گئیاں تاں جے اوہناں نوں سیاست توں دور رکھیا جاوے ۔
ساڈے ہاں بدقسمتی اے حکومتاں اوہناں قومی اداریاں نوں اپنے سیاسی مقاصد لئی استعمال کردیاں نیں تاں جے مخالفاں نوں ڈرایا جا سکے۔ لوڑ ایس امر دی اے کہ اداریاں نوں مضبوط بنایا جاوے تاں جے اوہ اپنی آئینی تے قنونی ذمہ واریاں احسن طریقے نال پوری کر سکن تے عوام نوں اوہناں اتے اعتماد ہووے۔