غزل

قیصرمحمودگورایہ

سچے دلاں دی اِسراں محبت اے قیمتی
جِسراں کہ پشلی راتیں عبادت اے قیمتی
ساڈی مجال نہیں اوہ یرانہ نکھیڑیئے
چاراں خلیفیاں دی خلافت اے قیمتی
مٹی گلچھدی اے پئی سونا اساڈے لئی
دھرتی دی حدوں ودھ ایہہ عنایت اے قیمتی
پُتراں پئو دے جیندے ای ونڈاں سنبھالیاں
والد توں لگداے اوہدی وراثت اے قیمتی
باقی دے رشتیاں چ مفاداں دی جھول ہے
ماواں دے پیار والی حقیقت اے قیمتی
قیصرؔ توں سوچ سمجھ کے ورتیں ایہناں نوں یار
اکھراں دی تیرے کول امانت اے قیمتی