2 ورھیاں لئی بابوواں دی قومی حکومت‘ وائٹ کالر متحرک

بلوچستان وچ ات گرداں خلاف اگریسو پالیسی اپنان دی لوڑ

زیرک سیاستدان شہباز شریف ٹائی ٹینک جئی حکومت نوں کامیابی نال چلا رہے نیں

فیصل ادریس بٹ

بلوچستان وچ اک واری فیر ات گردی دی لہر سر چک رہی اے۔ حکومت بلوچستان تے سکیورٹی فورسز بلوچستان نوں فول پروف بنان لئی اقدامات تے کر رہے نیں مگر ایس واری اگریسو پالیسی اپناندے ہوئے ات گرداں نوں جہنم واصل نہیں کیتا گیا تے ایہہ ات گردی خدانکواستہ ملک بھر نوں اپنی لپیٹ وچ لے سکدی اے۔
تقریباً اک صدی لنگھ گئی۔ ارض وطن وجود وچ آئے ہوئے مختلف قسم دے جمہوری تے مارشل لا ٹیم سیاستدان حکمرانی دا جھولا جھولدے رہے۔ جنرل ایوب دے دور اقتدار وچ یورپی یونین دی سب توں مضبوط معیشت رکھن والا ملک جرمنی اوس دور وچ پاکستان کولوں امداد لیندا رہیا۔ اج جرمنی دے حالات ایہہ نیں کہ اوہ یورپی یونین وچشامل خستہ حال معیشت دی کفالت وی اپنے ذمہ لتے ہوئے اے۔ سوچن دی گل اے کہ جنرل ضیاء الحق دے مارشل لا وچ چین دنیا دی نمبرون سپر پاور بنن لئی پر تول رہیا اے۔ سپر پاور امریکہ وی چائنہ دا مقروض اے۔ تہانوں یاد ہووے گا مارشل لا مگروں اچانک جمہوریت آ گئی تے اسیں مقروض ہوندے چلے گئے۔
پاکستان 1958 وچ آئی ایم ایف دا ممبر بنیا سی مگر جمہوریت ے آندے ای پاکستان نوں آئی ایم ایف دی ’’شفقت‘‘ دی شدید لوڑ پے گئی تے اسیں آئی ایم ایف دے جال وچ پھسدے چلے گئے۔
حالات اج ایتھے پہنچ گئے نیں کہ اسیں آئی ایم ایف کولوں گھٹنے ٹیکے قرض حاصل کرن لئی اوہناں دی ساری شرطاں نہ صرف پوریاں کر چکے نیں بلکہ اوہناں دی عوام دشمن پالیسیاں اتے عملدرآمد کردیاں نون لیگی حکومت دا اعتماد عوام توں گوا بیٹھے نیں مگر آئی ایم ایف سانوں ہن وی قرض دی قسط دین لئی تیار نہیں۔
پتہ ایہہ چلیا اے کہ فنانس ڈویژن نے آئی ایم ایف نوں دسیا سی کہ پاکستان دے دوست ملک جہدے وچ سعودی عرب‘ چین‘ دبئی وغیرہ شامل نیں‘ زرمبادلہ لئی ملین ڈالرز فراہم کرن گے مگر اجے تک دوست ملکاں نے کسی قسم دے پیسے پاکستان نوں نہیں دتے۔ آئی ایما یف نے ایسے شک تے پاکستان دا قرضہ روک لیتا اے کہ پہلے دوست ملکاں کولوں رقماں حاصل کرو مگروں آئی ایم ایف 1.2بلین ڈالر ادا کرے گا۔
دوجے پاسے سعودی عرب‘ یو اے ای‘ چین‘ پاکستان دے سیاسی اضطراب سیاستداناں دے آپس وچ دست و گریبان ہون دے حالات دے پیش نظر رسک لین لئی تیار نہیں۔ خدانخواستہ اسیں ڈیفالٹ تے نہیں ہو جان گے؟ تے اوہدا جواب اے انشاء اللہ نہیں۔ پاکستان اسلام دے نام تے حاصل کیتا دنیا دا واحد ملک اے جہنوں زوال نہیں۔ وقتی ندامت‘ پریشانی ضرور اے۔
میری اطلاعات نیں کہ آئی ایم ایف پاکستان دے سنگین حالات دا فیدہ چکدیاں اپنے مذموم عزائم سامنے لے آیا اے۔ معبتر ذرائع دے مطابق آئی ایم ایف دی ڈائریکٹر نے طاقتور حلقیاں نوں مطلع کیتا اے کہ جے ایہو سیاسی حالات رہے تے نہ صرف آئی ایم ایف کولوں پیسے نہیں ملن گے بلکہ کوئی ملک وی پیسے دین لئی تیار نہیں ہووے گا۔ معیشت ہور وگڑ جاوے گی تے ملک ڈیفالٹ دے دہانے تے جا پہنچے گا۔
اوہناں نے تجویز پیش کیتی اے کہ موجودہ حکومت نوں چلدا کریے تے معیشت دی بحالی لئی ٹیکنو کریٹ تے ڈپلومیٹس تے مشتمل دو سال لئی قومی حکومت بنائی جاوے جہدے وچ وزیراعظم لئی آئی ایم ایف دے منظور نظر حفیظ شیخ دا نام دتا گیا اے۔ جے سیاستدان ایسے طرحاں دست و گریباں رہے تے کوئی بعید نہیں کہ آئی ایم ایف دی شرط نوں من لیتا جاوے۔ا یس طرحاں کسی دے ہتھ کجھ نہیں آوے گا۔ اوہ محاورہ تے تسیں سنیا ہووے گا۔
’’لڑتے لڑتے دونوں ہو گئے گم
ایک کی چونچ ایک کی دم‘‘
اسٹیبلشمنٹ نے آئی ایم ایف دی تجویز تے غوروفکر شروع کردتا اے۔ وزیراعظم پاکتان میاں شہباز شریف نے اک دن پہلے قومی اسمبلی وچ جہڑی تقریر کیتی اوہدے وچ واضح طور تے سمجھیا جا سکدا سی کہ ا وہ ناصرف جمہوریت بلکہ جمہوری عمل دے حامی نیں۔ اجے تک تیرہ پارٹیاں دے اتحادی ہون دے باوجود اوہانں دی دانشمندی دی وجہ نال کوئی پارٹی ناراض نظر نہیں آ رہی۔
شہباز شریف اتے اتحادی جماعتاں دے علاوہ اپنی پارٹی دا وی انتہائی پریشر اے۔ شہباز سریف اک زیرک سیاستدان نیں جو ایس ٹائی ٹینک نوں لے کر اجے تک کامیابی نال چل رہے نیں۔ ایہدے وچ کوئی دو رائے نہیں کہ شہباز شریف گڈ گورننس دے ماہر تے بہترین ایڈمنسٹریٹر نیں۔
ملک بھر وچ آٹے دا بحران سر چک رہیا اے۔ مفت آٹا سکیم دے سائیڈ افیٹکس وی سامنے آ رہے نیں۔ ہجوم‘ دھکم پیل دے عوض قیمتی جاناں ضائع ہو رہیاں نیں۔
میاں شہباز شریف کئی سال تک رمضان المبارک وچ کامیاب آٹا سکیم چلا چکے نیں۔ ایس سکیم دے موجود توں ایہہ پراجیکٹ لے کے اوہناں نوں کسی ہور نوں دے دینا چاہیدا اے۔ پلس ایس ویلے پنج توں چھ محاذاں اتے لڑ رہی اے۔ آٹا ڈیوٹی اوہدے وچ اک کٹھن مرحلہ اے۔ حال ای وچ مظفر گڑھ دے ڈی پی او صفدر رضا کاظمی جو پی ایم ایس افسر نیں نوں اک بڈھی زنانی دی آٹا ہجوم وچ ہلاکت دی وجہ نال او ایس ڈی بنا دتا گیا۔ میں ایہہ کہنا چاہنا واں کہ اپنی رٹ منوان لئی کسی وی قسم دا ایکشن چنگی طرز حکومت اے۔
جے اوہنوں بلا تفریق کیتا جاوے۔ ایس ویلے پنجاب خیبر پی کے وچ دس دے کول شہادتاں آٹے دے حصول تے ہو چکیاں نیں۔ حکومت نوں چاہیدا اے کہ شہید ہون والیاں دے اہلخانہ نوں معقول معاوضہ فراہم کرن تے جتھی جتھے بدنظمی‘ گرمی‘ بیماری‘ دھکم پیل دی وجہ نال آٹے دے حصول دے دوران شہادتاں ہوئیاں نیں اوتھے سارے ڈی پیا وز بے شک اوہناں دا تعلق سپیرئیر سروس پی ایس پی توں ہووے خواہ اوہ پی ایم ایس یارینکر سارے ڈی پی اوزنوں ایس ڈی بنانا چاہندے نیں ایس گل نوں مدنظر ضرور رکھنا چاہیدا اے کہ رمضان‘ سحری‘ نماز‘ ڈیوٹی‘ مردم شماری‘ آٹا ڈیوٹی‘ پکڑ دھکڑ دے علاوہ عدالتاں وچ پیش ہونا‘ ملزمان دی گرفتاری جئے محاذ پلس دے سامنے نیں۔ صفدر رضا کاظمی انتہائی محنتی‘ پروفیشنل ایماندار افسر نیں۔ صوبائی دارالحکومت دے اک اک سیاستدان تے افسرں دے گواہ نیں۔
وزیراعلیٰ پنجاب محسن نقوی نوں اوہناں دی سزا و جزا تے غور ضرور کرنا چاہیدا اے۔ صوبہ پنجاب وچ تعینات پی ایم ایس‘ ڈی پی اوز دی کارکردگی نہ صرف تسلی بخش اے بلکہ پی ایس پی کلاس توں ودھ بہتر اے۔ حکومت نوں پی ایم ایس دے ڈی پی اوز نوں تعینات کر کے صوبے نوں امن دا گہوارا بنان وچ عملی اقدام رکنے چاہیدے نیں۔