شعبہ پنجا بی تے شعبہ اردو و لو ں ’’ مشا عر ہ‘‘

گورنمنٹ اسلامیہ گریجوایٹ کالج ر یلو ے روڈ لاہوردی چھتر چھاویں

ڈاکٹر فوزیہ حنیف

21مارچ 2023ء منگل دے دیہاڑ گورنمنٹ اسلامیہ گریجوایٹ کالج ر یلو ے روڈ لاہوردی چھتر چھاویں شعبہ پنجا بی تے شعبہ اردو و لو ں ’’ مشا عر ہ‘‘ منعقد کر و ا یا گیا۔
مُشاعرے دی صدارت مُلک دے سر کڈھویں مان جوگ شاعر نذیر قیصر ہوراں کیتی۔جد کہ اُچیچے پروہنیاں ڈاکٹر مرغوب حسین طاہر‘ غلام حسین ساجد‘شاہین عباس ‘عباس مرزاتے پرنسپل گورنمنٹ اسلامیہ کالج ریلوے روڈ لاہور پروفیسر ڈاکٹر عباد نبیل شاد ہوراں سٹیج دی شان ودھائی ۔
میزبانی دے فرائض شعبہ پنجابی دیاں چیئر پرسن پروفیسرڈاکٹر فوزیہ حنیف تے پروفیسر زاہد اعوان (شعبہ اُردو)نے سرانجام دِتے۔مُشاعرے دا باقاعدہ آغاز تلاوت کلام پاک تے نعت رسول مقبول ﷺ توں کیتا گیا۔ روایت موجب میزبان شاعرہ ڈاکٹر فوزیہ حنیف نے مُشاعرے دا مُڈھ اپنی نظم’’رمزاں‘‘پڑھ کے بنھیا۔بی ایس اردو دے پڑھیار علیزہ نور تے عثمان علوی ہوراں اپنیاں غزلاں سُنائیاں تے سُنن ہاراں کولوں چوکھی داد کھٹی۔ شعبہ فارسی دے پروفیسر سید انوار الحسن شیرازی ہوراں مزاحیہ پنجابی نظم پڑھی ۔ شعبہ اردو توں پروفیسر حماد نیازی ‘پروفیسر زاہد اعوان تے پروفیسر زوہیب سیف ہوراں سوہنے لب و لہجے وچ اپنیاں غزلاں سُنا کے مُشاعرے دی محفل وچ سوہنا رنگ بھریا تے سُنن ہاراں کولوں داد وصول کیتی ۔ سیّد بابا بُلّھے شاہؒ دے علاقے قصور نال تعلق رکھن والے پنجابی شاعر علی بابر ہوراں بوہت سوہنا کلام سُنایا
میری ہر دم دعا ایہو میرے دل نوں قرار آوے
میرے ورگے ہماتڑ تے کدے تینوں وی پیار آوے
اناالحق جو کہندے نیں کسے سچ توں وی نہیں ڈردے
ایہ چُم کے چڑھ جاندے نیں جے راہ وچ کوئی دار آوے
٭٭٭٭٭
پنجابی شاعر کامریڈ عرفان ہوراں اجوکے سمے اندر غریب لوکاں نوں درپیش مسئلیاں بارے اپنی سوہنی تے سوز بھری آواز نال شعر سُنائے ۔ اوہناں بولیاں وی گا ئیاں تے حبیبیہ ہال وچ اِک سما بَجھ گیا۔
لوک ونڈ کے مزاراں تے مٹھائیاں
آپ ویکھ لون چٹدے
٭٭٭٭٭
ڈاکٹر رزاق شاہد‘نوید انجم ‘جی ایم ساقی‘ایم آر مرزا‘واجدمیر ‘انیس احمد ‘ناصر بشیر ‘ڈاکٹر قیصرہ ناہید ‘ڈاکٹر شاہدہ دلاور شاہ ‘فرح رضوی ‘ منزہ سحرتے صائمہ آفتاب ہوراںاپنیاں غزلاں تے نظماں سوہنے لب و لہجے تے من کچھویں ڈھنگ وچ سُنائیاں تے مُشاعرے دابوہت سوہنا رنگ جمایا۔اُردو دیاں شاعرہ نیلم ملک ہوراں مزاحمت نال بھرپور غزلاں سُنایا تے سُنن ہاراں کولوں داد کھٹی:
چُپ ہی رہوں یا راز تیرے سبھ کھولوں میں
اے دُنیا کجھ تیرے بارے میں بولوں میں
٭٭٭٭٭
شفقت رسول مرزا ہوراں پنجابی تے اردو دونواں زباناں وچ اپنا کلام سُنایاـ:
تھاں تھاں پڑھنا عشق نمازاں رب دے گانا گیت
میرے لئی کل دھرتی کعبہ سارا جگ مسیت
٭٭٭٭٭
ہیں پھُول بھی جُگنو بھی یہاں شمس و قمر بھی
یہ بزم ہے شفقت یا میر کا دل ہے
٭٭٭٭٭
لوکائی اندر مقبولیت رکھن والے طنز تے مزاح دے شاعر مُرلی چوہان ہوراں اپنے مخصوص انداز وچ محفلِ مُشاعرہ دا رنگ جمایا تے سُنن ہاراں توں بھرپور داد وصول کیتی
اوہ کہندی سی تن من دھن لا دتا میں تیرے ناویں
دُنیا دی کوئی وی شے نہیں جچ دی سی تیرے ساویں
ہے تیرے نال ایہہ وعدہ اِک پل نہ ڈولاں گی
تیرے ہر بول نوں میں یار سونے نال تولاں گی
کہیا میں تیریاں زُلفاں نوں ہتھ لاون نوں جی کردا
تے اوہنے لا کے اپنی وگ ای کہیا ایہ لا توں کیوں ڈر دا
جدوں میں وانگ کلیاں دے کِھلے دنداں دا ناں لتا
فٹا فٹ اوس نے فر بیڑ کڈھیا تے پھڑا دِتا
تے فیر میں ڈردے ڈردے نیں جدوں نیناں دی گل کیتی
تے اکھ پتھر دی سی اوہنے میرے ول کیتی
میں ورھیاں دی محبت دا عجب یارو صلہ پایا
میرا محبوب اُدھڑ کے میرے ہتھاں دے وچ آیا
٭٭٭٭٭
کرے جب عید کی شاپنگ تو بے پرواہ نکلے ہے
اُڑانے کو میری تنخواہ انھّے واہ نکلے ہے
پلازے سا بدن لے کر میری بائیک پہ جب بیٹھے
اچانک پچھلے پہیے سے صدائے ٹھاہ نکلے ہے
٭٭٭٭٭
ملک دے مشہور تے معروف شاعر صغیر احمد صغیر ہوراں زندگی دے فلسفے تے محبت نوں بوہت سوہنے ڈھنگ نال اپنی شاعری راہیں بیان کیتا تے حبیبہ ہال واہ واہ تے بوہت خوب ورگیاں داد نال بھرپور آواز نال گونج اُٹھیا۔

وہی ہے زندگی جو ایک پل محبت ہے
مگر میں کیا کہوں جو آج کل محبت ہے
جہاں جہاں سے بھی چاہو دوائیں لیتے پھرو
تمھیں جو مسئلہ ہے اس کا حل محبت ہے
ہمیں پتہ ہے کہ یہ کائنات کیسی بنی
وہ کُن کے نام کا پہلا عمل محبت ہے
٭٭٭٭٭
پنجابی شاعر مشتاق قمر ہوراں اجوکے سماج دے مسئلیاں بارے مزاحمت نال بھرپور شعر سُنائے:
پڑھن دیو نہ ہتھ کلاشنکوف دیو
جمدے بال نوں اینا ڈر نہ خوف دیو
ڈاکٹر عظمی زریںنازیہ نے اردو‘پنجابی تے فارسی تناں زباناں وچ سوز ‘گداز تے من کھچویں ڈھنگ وچ غزلاں تے نظماں سُنائیاںتے سُنن ہاراں توں داد کھٹی:
جسماں دے سنسار دے اندر روح کملائی پھردی اے
جھوٹے ایس گھر بار دے اندر روح کملائی پھردی اے
یوسف وکدا اونے پونے مُل زلیخا جانے ہُو
مصراں دے بازار دے اندر روح کملائی پھردی اے
٭٭٭٭٭
رنجیرِ عدل ہو کوئی جس کو ہلائیں ہم
اور بادشاہ وقت کو گریہ سُنائیں ہم
جھولی پھیلائیں ہم آنسو بہائیں ہم
اب رب کو کس طرح سے زمین پر بلائیں ہم
٭٭٭٭٭
اردو اور پنجابی دونواں زباناں دے مان جوگ شاعر غلام حسین ساجد ہوراں اپنے گورنمنٹ اسلامیہ کالج ریلوے روڈ لاہور نال دلی وابستگی تے ایتھے اپنی ملازمت دا ذکرجذباتی انداز نال کیتا تے سوہنے ڈھنگ نال اپنا کلام سُنایا ۔
صید ہوں روز ازل سے عالم اسباب کا
اور وا رکھتا ہوں سینے میں دریچہ خواب کا
٭٭٭٭٭
اُچیچے پروہنے پنجابی زبان دے شاعر عباس مرزا ہوراں سوہنے ڈھنگ وچ شعر سُنائے :
منظر میتھوں بوہت زیادہ وڈا سی
میں وی دِل نوں اکھ دے کول بٹھا چھڈ یا
مرسڈیزوی کول کھڑی سی
پر اوہنے ٹانگے بہہ کے ٹانگہ سوہنا کر چھڈیا
٭٭٭٭٭
اُچیچے پروہنے شاعر شاہین عباس ہوراں بوہت سوہنے تے سلکھنے ڈھنگ وچ اُردو شاعر ی سُنائی یہ دن اور رات کس جانب اڑے جاتے ہیں صدیوں سے
کہیں رکتے تو میں شامل پرواز ہو سکتا
پنجابی زبان دے منے پرمنے شاعر عدل منہاس لاہور ی ہوراں اپنی جاندار ‘سوہنی تے پُر سوز آواز وچ مزاحمت نال بھرپور شعرسُنائے تے سُنن ہاراں توں داد کھٹی:
کسے بادشاہ دے دسترخوان نالوں کھانا کسے درویش توں جوٹھ چنگا
جیہدی راہبری راہوں کُراہ پاوے ساربان توں سُدھیا اونٹ چنگا
٭٭٭٭٭
اُچیچے تے آدر سنمان پروہنے ڈاکٹر مرغوب حسین طاہر ہوراں سوہنے لب و لہجے وچ اپنی شاعری سُنائی :
تتلیو ں کے موسم میں نوچنا گلابوں کا
ریت اس نگر کی ہے اور
جانے کب سے ہے؟؟؟
٭٭٭٭٭
محفلِ مشاعر ہ دے آخیر اُتے مان جوگ صدرِ محفل نذیر قیصر ہوراں اپنا کلام سُنایا تے اوہناں دے واشنا ونڈدے ہوئے لہجے نے سُنن ہاراں دے دِل نوں موہ لیا۔
دُنیا اچھی لگتی ہے ‘رب اچھا لگتا ہے
اچھی آنکھوں والوں کو سبھ اچھا لگتا ہے
ساری کتابیں‘سارے صحیفے مجھ پر اُترتے ہیں
مجھ کو دُنیا کا ہر مذہب اچھا لگتا ہے
٭٭٭٭٭
محفلِ مشاعرہ دے آخیر اُتے پرنسپل گورنمنٹ اسلامیہ گریجوایٹ کالج ریلوے روڈ لاہورپروفیسر ڈاکٹر عباد نبیل شاد ہوراں سارے مان جوگ شاعراں ‘اُچیچے پروہنیاں ‘ اُستاداں تے سُنن ہاراں دا شکریہ ادا کیتا۔ اوہناں شعبہ پنجابی تے شعبہ اردو دی کارکردگی نوں سراہیا۔ پرنسپل صاحب نے تمام شاعراں نوں تحفے دے طور اُتے Souvenirتے کالج میگزین پیش کیتے۔