امریکہ بھارت شراکت داری دا مستقبل

اشرف شریف

بھارت تے امریکہ دے وچکار محبت کنی گہری اے ایہ جنوب مشرقی ایشیا دے مستقبل لئی اہم سوال اے۔ ایس سوال دا جواب ساریاں دے کول اے پر ایہ جواب وکھرے وکھرے پیرائے وچ آ رہے نیں۔ ایس محبت دی حقیقت ایہہ وے کہ بھارت امریکہ نوں داء لانا چاہندا اے امریکہ دی خلائی ٹیکنالوجی‘ امریکی چھتری دے تھلے کشمیر ورگے تنازعات دا حل اپنی مرضی نال کڈھنا تے عالمی تجارت وچ اپنا حصہ ودھانا۔ امریکہ چاہندا اے کہ بھارت اوہدا اتحادی بن کے چین نال سنگھ پھسائی رکھی ممکن اے کسے ویلے بھارت نوں کہوے کہ اوہ چین تے حملہ کر دیوے تاں جے چین دی ترقی نوں روس وانگوں روکیا جا سکے۔ ایہ اک وڈا مقصد اے تے امریکہ ایہدی خاطر بھارت دی وڈی توں وڈی خواہش پوری کر سکدا اے۔ کجھ ماہرین دا خیال اے کہ ایسے سوچ دے پچھے پچھلے ورھے بھارت نے چین دے نال سرحدی علاقیاں وچ چھیڑ چھاڑ دی کوشش کیتی۔ سوال ایہ اٹھ رہیا اے کہ بھارت کیہ امریکہ دا عالمی شراکت دار بنن دے تقاضے نبھا پائے گا؟ بھارت نوں اپنی ای آبادی دے اک حصے دے نال بہت سارے مسئلے درپیش نیں۔ کشمیر‘ گورکھالینڈ‘ آسام‘ جھاڑکھنڈ‘ میزورام سنے کئی علاقے نیں جتھے آزادی دیاں تحریکاں چل رہیاں نیں۔ ایس توں علاوہ چین‘ پاکستان تے سری لنکا ورگے گوانڈھیاں دے نال مسئلے۔
دنیا بھر وچ خودمختاری تے قوم پرستی نوں کمزور کرن دا زیادہ تر عالمی لیفٹسٹ ایجنڈا یورپ تے امریکہ دے تھنک ٹینکس ولوںآ رہیا اے۔ بھارت ورگے ملکاں نوں ایہ ایجنڈا اک چیلنج دے طورتے ویکھدا اے ایہناں مسئلیاں نوں حل کرن لئی منصوبہ بندی پہیلیاں تے گلوبلسٹ حکومتاں تک محدود اے۔ کینیڈا دے جسٹن ٹروڈو تے امریکہ دے جوبائیڈن وغیرہ نے سکرپٹ تے کارکردگی دا مظاہرہ کرن لئی انتخابی مہم وچ وعدے کر رکھے نیں۔ 2014ء وچ برسراقتدار آن والی بھارتی قیادت پچھلے سربراہواں توں تھوڑی تیز سی۔ اوہ برسلز تے نیویارک دی پالیسی تے عمل کرن دی تھاں جہنم وچ حکومت کرنا چاہندے سن۔ اوہناں نے انسانی حقوق دی خلاف ورزیاں تے نسل کشی دے ظلماں نوں لکان لئی بھارت وچ کم کرن والی زیادہ تر فائونڈیشنز تے تنظیماں نوں باہر کڈھ دتا۔ ایہناں تنظیماں نے امریکی جمہوریت‘ معیشت تے معاشرے نوں آزادی تے انسانی حقوق دے احترام دے حوالے نال اچے مقام تے اپڑا دتا اے۔ اوہناں نے بھارت وچ وی انج ای کرن دا ارادہ کیتا۔ بی جے پی حکومت دا کہنا اے کہ اوہنے بھارتی سیاست وچ مغربی مداخلت نوں موثر طریقے نال روک دتا اے۔ اج امریکی سیاست تے بیورو کریسی گلوبلسٹاں دے ہتھ وچ اے تے فوج تے بین الاقوامی آرڈر لاگو کرن والے ہتھیار اوہناں لئی مسلز دا کم کردے نیں۔ بھاویں امریکہ آزادی دی خواہش مند قوماں دی ہتھیاراں نال مدد نہیں کر رہیا پوری دنیا وچ دہشت گرد تنظیماں دی مدد وی نہیں کیتی جا رہی پر بھارت انج کر رہیا اے اوہ قدامت پسند آبادی نوں اپنے ای قنون دی پاسداری دا کہہ کے نشانہ بنا رہیا تے اوہناں دی توہین کر رہیا اے۔
بھارت خطے وچ دہشت گردی دا نیٹ ورک رکھن والی کئی تنظیماں دا سرپرست اے۔ اوہ آپ دہشت گردی دا ارتکاب کردا اے تے فیر اوہدا الزام پاکستان ورگے گوانڈھیاں تے مڑھ دیندا اے۔ ایہ امریکہ تے بھارت دیاں وکھریاں وکھریاں سمتاں دا اظہار اے۔ بھارت وچ ہن صرف انتہاپسند دایاں بازو اے دائیں تے بائیں اک ای قسم دی اسٹیبلشمنٹ دا کم و بیش حصہ نیں۔ کم نظر‘ خود پسند‘ احمق۔ امریکہ جنوبی ایشیا وچ پاکستان ورگا آزمودہ اتحادی رکھدا اے۔ دوہاں نے نویں ورلڈ رڈر تے اتفاق کیتا اے تے اوہنوں لاگو کیتا‘ ایہ وی یاد رہوے کہ پاکستان تنازعات دے بعد دنیا بھر وچ پرامن تعلقات نوں مضبوط کرن دا علمبردار اے۔ دنیا منے یاں نہ منے مستقبل دی سفارتکاری تے بین الاقوامی تعلقات تجارتی توازن و امن دے نال جڑ جان گے۔ جو ملک گھٹ تنازعات وچ گھریا ہووے گا اوہدا اثرورسوخ ودھے گا۔ بھارت داخلی تنازعات نوں گھٹ نہیں کر رہیا جبر نال اوہ آوازاں دبا رہیا اے مسئلہ حل نہیں ہو رہیا۔ کرٹ کیمبل‘ امریکہ دے انڈوپیسفک کوآرڈی نیٹر برائے نیشنل سلامتی کونسل نیں اوہناں دا کہنا اے کہ بھارت امریکہ دا اتحادی نہیں تے انج کدی نہیں ہووے گا پر اک قریبی پارٹنر اے۔ بھارت امریکہ دا قریبی ساتھی وی نہیں جہدیاں بہت ساریاں وجوہات نیں بھارت کدی وی امریکہ دا قریبی پارٹنر نہیں ہو سکدا کیوں جے اوہنوں صرف اپنے مفاد نال غرض اے۔
بھارت دوجے ملکاں وچ جسوسی تے دہشت گردی ورگیاں گھٹیا وارداتاں وچ ملوث اے انج دا ملک کسے دا اتحادی ہو سکدا اے؟ بھارت نے اقوام متحدہ دی انسانی حقوق دیاں ساریاں قرارداداں دی کشمیر وچ تے بھارتی پنجاب وچ خلاف ورزی کیتی اے اینیاں خلاف ورزیاں کرن والا ملک امریکہ دا اتحادی بن کے امریکہ دیاں اوکڑاں ودھا سکدا اے۔ بھارت نے اپنے ملک وچ رہندیاں اقلیتاں خاص کر مسلماناں تے سکھاں تے ظلم و ستم دی انتہا کر دتی اے۔ ایہدے نال نال بھارت گرگٹ وانگوں اپنا ڈپلومیٹک بلاک بدلدا رہندا اے جہدی وجہ نال اوہ بھروسے دے قابل نہیں۔٭