امجد اسلام امجد (شاعر‘ ڈرامہ نویس)

اوہناں دا شمار پاکستان دے مشہور ادیباں وچ ہوندا سی تے اوہ 20توں ودھ کتاباں دے مصنف سن

ایم آر شاہد

کلاسک ڈرامہ وارث دے خالق اردو ادب دا معتبر حوالہ معروف شاعر تے ڈرامہ نویس امجد اسلام امجد 4 اگست 1944وچ لہور وچ پیدا ہوئے۔ اوہناں دا شمار پاکستان دے مشہور ادیباں وچ ہوندا سی تے اوہ 20توں ودھ کتاباں دے مصنف سن۔
زندگی کا ہی نہیں ٹھور ٹھکانہ معلوم
موت تو طے ہے کہ کس وقت کہاں آئی ہے
اوہناں نے اپنے کیرئیر دا آغاز شعبہ تدریس توں کیتا تے پنجاب یونیورسٹی توں تعلیم مکمل کرن مگروں اوہ لہور دے ایم اے او کالج دے شعبہ اردو نال جڑے رہے۔ 1975 وچ پنجاب آرٹس کونسل دے قیام مگروں امجد اسلام امجد نوں ایس ادارے دا ڈائریکٹر مقرر کیتا گیا۔ اوہ پاکستان ٹیلی ویژن نال جڑے رہن دے نال نال چلڈرن کمپلیکس دے پراجیکت ڈائریکٹر وی رہے۔ ایہدے مگروں اردو سائنس بورڈ وچ چیئرمین دے عہدے اتے فائز رہے۔ 1975وچ مشہور ٹی وی ڈرامے ’’خواب جاگتے ہیں‘‘ لکھنے پراوہناں نوں گریجوایٹ ایوارڈ نال نوازیا گیا۔
ڈرامہ وارث‘ دن تے فشار نے اوہناں نوں شہرت دی بلندیاں اتے پہنچا دتا۔ اوہناں دے کئی شعری مجموعے‘ تنقیدی‘ مضموناں دی کتاب تاثرات تے چند عربی نظماں دے ترجمے شائع ہو چکے نیں جد کہ دوجے شعری مجموعیاں چ بارش کی آواز‘ شام سر تے‘ اتنے خواب کہاں رکھوں‘ نزدیک‘ یہیں کہیں‘ ساتواں در‘ فشار‘ سحر آثار‘ محبت ایسا دریا ہے‘ برزخ‘ اس پار‘ پھر یوں ہوا‘ ذرا پھر سے کہنا‘ باتیں کرتے دن‘ رات سمندر میں‘ ہم اس کے ہیں (کلیات) سبنوں سے بھری آنکھیں تے احباب (حمد و نعت) اوہناں دی عظمت دے آئینہ دار نیں۔ نیز سفرنامے تے ڈرامے وی اشاعت دے مرحلیاں توں لنگھ چکے نیں۔ غزل تے نظم اتے اوہناں نوں یکساں دسترس حاصل سی دے ایسے شعراں وچ ہوندا اے۔ بیرون ملک وی اوہانں نے مقبولیت حاصل کیتی۔
اگر کبھی میری یاد آئے
تو چاند راتوں کی دلگیر روشنی میں
کسی ستارے کو دیکھ لینا
اگر وہ نخل فلک سے اتر کر تمہارے قدموں
میں آ گرے تو یہ
جان لینا
وہ استعارہ تھا میرے دل کا
اگر نہ آئے؟……
مگر ایہہ ممکن ای کس طرح اے کہ کسی اتے نظر پائو تے اوہدی دیوار جاں نہ ٹٹے
وہ اپنے بستی نہ بھول جائے
اگر کبھی میری یاد آئے
گریز کرتی ہوا کی لہروں پہ ہاتھ رکھنا
نہ پائو مجھ کو
تو اپنے قدموں میں دیکھ لینا
میں گرد ہوتی مسافتوں میں تھیں ملوں گا
کہیں پہ روشن چراغ دیکھو تو جان لینا
٭٭٭٭٭٭
امجد اسلام امجد دی ادبی خدمات دا اعتراف کردے ہوئے حکومت پاکستان نے اوہناں نوں 1987وچ صدارتی تحفہ حسن کارکردگی تے 1998وچ ستارہ امتیازعطا کیتا سی۔ دوجیاں توں غم نوں محسوس کردے تے کہہ اٹھدے۔
کسی کی آنکھ جو پرنم نہیں ہے
نہ سمجھو یہ کہ اس کو غم نہیں ہے
٭٭٭٭٭٭
اینی خوبصورتی نال اینی جامع گل نوں دو مصرعیاں وچ کیتے دا فن امجد اسلام امجد دا اک طرہ امتیاز سی۔ ڈرامہ نگاری دے نال نال اردو شاعری وچ اوہناں دا اک وکھرا مقام سی۔ اوہناں دے کلام وچ تازہ نگاری وی سی تے توانائی وی اوہناں دی نظماں سانوں اک خاص رومانوی طرز دا احساس اے۔ روشناس کراندیاں نیں۔ امجد اسلام امجد نے شاعری وچ عکس نگاراں دی تقریباً ساری قسماں استعمال کیتیاں نیں۔
اس کے لہجے میں برف تھی لیکن
چھو کے دیکھا تو ہاتھ جلنے لگے
٭٭٭٭٭٭
امجد اسلام امجد 1968وچ ایم اے او کالج وچ ساڈے تن سو روپے تنخواہ تے لیکچرار مقرر ہوئے تے 1997وچ ایس ادارے توں بحیثیت ایسوسی ایٹ پروفیسر ذمہ واریاں توں سبکدوش ہو سکے۔ 23مارچ 1975نوں امجد اسلام امجد دا ویاہ اپنی کزن فردوس نال ہوئی۔ روشین امجد (آپ معروف شاعر انور مسعود دی بہو نیں) تے تحسین امجد بیٹیاں تے علی ذیشان امجد پتر اے۔اوہناں نے چار فلماں حق مہر‘ نجات‘ چوروں کی بارات تے جو ڈر گیا وہ مر گیا دی کہانی تے دو فلماں قربانی تے سلاخاں دے مکالمے لکھے۔
شیر سخن میں ایسا کر عزت بن جائے
سب کچھ مٹی ہو جاتا ہے عزت رہتی ہے
٭٭٭٭٭٭
امجد اسلام امجد نے بحیثیت شاعر‘ ادیب‘ ڈرامہ نگار‘ دانشور تے کالم نگار خود نوں منوایا۔ امجد اورینٹل کالج وچ ایم اے دے طالب علم سن۔ جدوں پنجاب یونیورسٹی وچ جنگ ستمبر دے سلسلے وچ مشاعرہ ہویا۔ اوہناں نے اوتھے نظم پڑھی۔ مشاعرہ ختم ہون تے احمد ندیم قاسمی اوہناں دے کول آئے تے موہنڈھے اتے ہتھ رکھدے ہوئے کہیا کہ ’’میں احمد ندیم قاسمی ہوں‘‘ تے اک رسالہ فنون کڈدتا واں۔ ایہدے اتے امجد اسلام امجد نے کہیا کہ سر تہانوں کون نہیں جاندا تے میں فنون پڑھدا رہندا واں۔ اوہدے اتے احمد ندیم قاسمی نے فرمایا: کیہ اوہ نظم جو تسیں شآعر توں ای پڑھی اے۔ مینوں فنون لئی عنایت کر سکدے نیں۔ امجد اسلام امجد دے بقول ہن ایہہ لفظ عنایت میری اوقات توں بہت وڈا سی۔ اوہنے مینوں ایہہ اعتماد بخشیا کہ میں جو کم کر رہیا واں۔ ایہدی جے اینا وڈا بندا تعریف کر رہیا اے تے اوہنوں جاری رہنا چاہیدا اے۔ اپنی فطری صلاحیت تے احمد ندیم قاسمی جئے وڈے ادیب دی مسلسل حوصلہ افزائی نال اوہناں دا ادبی سفر کامیابی دی مختلف منزلاں طے کردا رہیا۔
کدی کسی دے وچھڑ جان دا داد نڈھال کر دتے تے
وہ جن سے بستی تھی دل کی بستی
وہ یار سارے نہیں رہے تھے
مگر…یہ المیہ سب سے بالاتر ہے
کہ ہم تمہارے نہیں رہے تھے
کہ تم ہمارے نہیں رہے تھے
ہوا تھی تھی ضرور لیکنبڑی ہی مدت گزر چکی تھی
٭٭٭٭٭٭
امجد اسلام امجد دا انتقال 10فروری 2023ء نوں دل دا دورہ پڑھن نال ہویا۔ اوہناں دی ابدی آرام گاہ قبرستان میانی صاحب دل افروز سٹریٹ احاطہ نظام شاہ دے سامنے لب راستہ دیوار توں دس گام اگے اے۔ ساتھ والی قبر اوہناں دے والد محمد اسلام دی اے۔ قبر کچے مگر سرہانے کتبہ لگا ہے۔