محمد حفیظ دے بولنگ ایکشن تے اعتراض کیوی کھڈاری نوں مہنگا پے گیا

hafeez

لہور: محمد حفیظ دے بولنگ ایکشن تے اعتراض کرنا کیوی کھڈاری نوں مہنگا پے گیا۔

میچ ریفری نے کیوی کھڈاری دی طلبی کیتی تے اگلی واری ذمہ دارانہ رویہ رکھن دی ہدایت کر دِتی۔ پاکستان تے نیوزی لینڈ وچکار ون ڈے کیویز دے ناں رہیا پر کیوی کھڈاری راس ٹیلر نے محمد حفیظ دے بولنگ ایکشن تے اعتراض کر دِتا جیہدے تے کپتان سرفراز احمد نے فیلڈ امپائر توں شکایت کیتی۔ قانون دے مطابق کوئی وی بلے باز بولر تے اعتراض نہیں کر سکدا پر امپائر کسے وی غیر قانونی ایکشن والے بولر نوں روک سکدا اے۔

میچ دے دوران امپائر ولوں محمد حفیظ نوں نہیں روکیا گیا۔ پندرہ ڈگری توں ودھ کہنی دے خم تے محمد حفیظ تے تن واری پابندی وی لاگو کیتی جا چکی اے۔ بھارتی میچ ریفری جواگل سری ناتھ نے کیوی کھڈاری نوں طلب کرکے اگلی واری ذمہ دارانہ رویہ اپنان دی ہدایت کیتی۔ بولر تے اعتراض کرن تے قانون دے مطابق بلے باز تے جرمانہ وی لاگو کیتا جا سکدا اے۔

Add new comment

About text formats