وزیراعظم دا ناں احتساب خان، لٹی دولت واپس لیان گے: شیخ رشید

راولپنڈی: وفاقی وزیر ریلوے شیخ رشید دا کہنا اے دنیا دے کسے نظام وچ لاش نوں نہیں لٹکایا جاندا۔ راولپنڈی والیاں نے منی لانڈرنگ کرن والیاں نوں شکست دتی۔ راولپنڈی وچ تقریب نال خطاب کردیاں شیخ رشید دا کہنا سی جے احتساب نہ ہویا تے جمہوریت نامکمل رہوے گی، عمران خان دا ناں احتساب خان، لٹی دولت واپس لیاوے گا، مہنگائی، بیروزگاری دا اعتراف کرنا آں۔

شیخ رشید نے بلاول دیاں نقلاں کردیاں آکھیا بلاول بھٹو زرداری کہندا اے جدوں ڈائریکٹر سی تے اوس ویلے بچہ سی، بلاول کہندا ا ے، جے پھڑیا تے اسیں خوفناک بن جاواں گے۔ اوہناں دا کہنا سی بھارتی شہریت بل دے خلاف پنڈی راجہ بازار توں وڈی ریلی کڈھاں گے، قائداعظم نے بہت پہلاں سوچ لیا سی، ہندومسلمان اکٹھے نہیں رہ سکدے۔

وفاقی وزیر ریلوے دا کہنا سی راولپنڈی والیاں نے منی لانڈرنگ کرن والیاں نوں شکست دتی، اپوزیشن دا مقصد لٹی دولت بچانا اے، اپوزیشن نے کدی مہنگائی دے خلاف جلوس نہیں کڈھیا، پیپلزپارٹی والیاں دے کول حرام دا مال بہت اے۔ اوہناں دا کہنا سی پچھلے دیہاڑ ہون والے وفاقی کابینہ نے فیصلہ کیتا اے مریم نواز نوں باہر نہ دتا جاوے، اجہیا ڈرامہ، اجہی مہم چلائی گئی جیویں نوازشریف اج ای دنیا توں چلاگیا۔