کراچی دی صفائی لئی ایڈووکیٹ جنرل سندھ نے30اگست تک داٹائم منگ لیا

کراچی ( بھلیکھا ٹی وی ) سپریم کورٹ ، ایڈووکیٹ جنرل سندھ نے کراچی دی صفائی لئی30اگست تک دا ٹائم منگ لیا ، چیف جسٹس نے باتھ آئی لینڈ اُتے قبضہ ختم دا حکم دے دتا ۔سپریم کورٹ کراچی رجسٹری وچ تجاوازات تے نالیاںدی صفائی بارے کیس دی سماعت ہوئی ، چیف جسٹس گلزار احمد نے آکھیا کہ اگر سندھ حکومت نالیاں دی صفائی کر رہیی سی تے این ڈی ایم اے کیوں آیا ، ایڈووکیٹ جنرل سندھ سلمان طالب الدین بولے پتا نہیں کیوں آیا ، مشینری ساڈی ، لوگ ساڈے ، این ڈی ایم اے دا صرف اک سپر وائزر کھڑا ہندا اے ۔جسٹس اعجاز الاحسن نے ریمارکس دتے کہ تُسی جاندے او اسی این ڈی ایم نوں کم کرن توں روک دیون ، این ڈی ایم اے جاپان نہیں پاکستان دا ہی ادارہ اے ، ایڈووکیٹ جنرل نے صفائی لئی 30اگست تک دا وقت منگ لیا ۔ چیف جسٹس نے کمشنر کراچی نوں ہدایت کیتی کہ ہتھ آئی لینڈ نالے اُتے قبضہ ختم کراون ، خالد بن ولید روڈ تے کلفٹن روڈ اُتے سارے درخت کٹ دتے گئے ، شہر وچ درخت وی لائو ۔کورنگی روڈ اُتے تجاوزات تے دن دے ٹائم وچ ہیوی ٹریفک بارے درخواست اُتے سماعت ہوئی۔ عدالت نے کمشنر کراچی دے ایم سی تے ہور اں نوں نوٹس جاری کیتے ، سپریم کورٹ کراچی رجسٹری نے کسٹم کلب دے انہدام دے خلاف نظر ثانی دی درخواست وی مسترد کر دتی ۔