نعت شریف

جاوید پھنچی

تساں بن زندگی میری’ اکلی یا رسول اللہۖ
جدائی ہن تے جاندی اے’ نہ جھلی یا رسول اللہۖ
مرے دکھ دی دوا’ ویداں’ حکیماں نے اے کیہ کرنی
کسے دی اک نہیں تدبیر چلی یا رسول اللہۖ
تساڈا ہجر جسا کھا گیا میرا اے گھن وانگوں
تساڈی یاد وی میری تسلی یا رسول اللہۖ
تساڈی ایکتائی اس’ توں ودھ کے ہور کیہ آکھاں
تساں جہی فرخدا صورت نہ گھلی یا رسول اللہۖ
مری دنیا’ مری عقبت’ سنور جاوے کہ’ پنچھی وی
دوارا آپۖ دا بیٹھا اے ملی یا رسول اللہۖ