نعت شریف

عبد الحمید نظامی

میرے دل وچ جاگی آس نعلین مبارک ویکھاں
آ گئے نے کنے راس نعلین مبارک ویکھاں
کدی کدی تے انج لگے کوئی چیز گواچی گئی اے
نہیں ہندا فیر اُداس نعلین مبارک ویکھاں
میرے دل نوں پیندے کھوہ آئوندائے یاد مدینہ
جد برھیا کھاوے ماس نعلین مبارک ویکھاں
ساہواں چ لگی اوڑ بلھ سُک سُک جاون میرے
بجھے گی فیر پیاس نعلین مبارک ویکھاں
فیر ایہہ محسوس میں کرناں جد بیٹھا کدھرے کلا
مُک جان گے سب قیاس نعلین مبارک ویکھاں
دل کہندائے فیر میرا کوئی غم نہ کر توں ماسہ
مُک جاون گے وسواس نعلین مبارک ویکھاں
پیندی اے دل نوں ٹھنڈ نہیں پتہ نظامی کدھروں
فیر بھر جاندائے تاس نعلین مبارک ویکھاں