ںعت شریف

علی احمد گجراتی

دل دا چین تے اَکھ دا تارا سوہنا چن عبداللہ دا
راج دُلارا جان توں پیارا سوہنا چنۖ عبداللہ دا
ٹُٹےّ دل دی آس ودھاوے سینے لاوے دُکھئیے نوں
اوکھے ویلے جگ دا چارا سوہنا چنۖ عبداللہ دا
اُجڑے پُجڑے لوکی سارے آپۖ دا پَلّہ پھڑ دے نیں
ماڑے دُبڑے کان سہارا سوہنا چنۖ عبداللہ دا
آپ ۖ دے نعلین توں بیبادوویں عالم ہولے نیں
ہر دو عالم اُتوں بھارا سوہنا چنۖ عبداللہ دا
آپۖ دی نسبت پار لنگھاویں بھاویں کوئی مَن تارواے
آپ سفینہ آپ کنارا سوہنا چنۖ عبداللہ دا
آپ ۖ دے مُکھڑے پاروں احمد روشن دوویں عالم نیں
رب دے جلوے دا لشکارا سوہنا چنۖ عبداللہ دا