پنجابی لکھاں گا

فیر پنجابی فیر پنجابی لکھاں گا
اردو پائیا، سیر پنجابی لکھاں گا
ایہہ بولی تے میری ماں دی بولی اے
تاہیوں شام سویر پنجابی لکھاں گا
میرا دیس پنجاب ای جگوں وکھرا اے
ایہدی شان چ ڈھیر پنجابی لکھاں
بھاویں کوئی جِنا مرضی سڑدا رہے
میں تے چار چفیر پنجابی لکھاں گا
جہنوں تک کے ویری تھر تھر کنبدے نیں
ایہدے واسی شیر پنجابی لکھاں گا
جِنا تیکر جُسے دے وچ ساہواں نیں
قسمے اونی دیر پنجابی لکھاں گا
نجمی میں پنجابی لکھنا پڑھناواں
اس وچ کوئی نئیں پھیر پنجابی لکھاں