پی ڈی ایم رہنما جذباتی ، استعفیاں دے نال جمہوریت نوں نقصان ہوووے گا، شاہ محمود قریشی

اسلام آباد(بیورو رپورٹ) وزیر خارجہ شاہ محمود قریشی نے آکھیاا ے کہ پی ڈی ایم رہنما جذباتی ہوگئے نیں۔ ایہناں دے استعفیاں دے نال جمہوریت نوں نقصان ہوووے گا، اپنے بیان وچ شاہ محمود قریشی نے آکھیا اے کہ دھرنے یا جلوساں دے نال سرکاراں کدے نہیں جاندیاں۔ 1970 دے بعد جنے وی چنائوہوئے ہارن والیاں نے تسلیم نہیں کیتا ، 2018 ء دے الیکشن نتائج جے تہان قبول نہیں تے 2013ء دے نتائج وی کسی نے تسلیم نہیں کیتے سن۔ پی ڈی ایم رہنما جذباتی ہوگئے نیں۔ ایہناں دے استعفیاں دے نال جمہوریت نوں نقصان ہوووے گا،پی ڈی ایم آئینی راستہ اختیار نہیں کررہی ۔ کرونا توں متعلق شاہ محمود قریشی ہوراں داآکھنا سی کہ پاکستان کرونا دی وباء توں دوچار اے۔ کرونا دی دوجی لہر بوہت خطرناک اے ایس وباء دے نال ہلاکتاں ودھدیاں جارہیاں نیں۔ بھارت وچ کساناں دے جاری احتجاج اتے وزیرخارجہ نے آکھیا اے کہ بھارت و چ سیکولر ریاست چہرہ ہن نہیں رہیا۔ کساناں دے احتجاج دے نال بھارت نوں کافی نقصان ہو رہیا اے۔