لہور جلسہ ملک دشمن بیانیے دے تابوت وچ آخری کیل ثابت ہووے گا، شہباز گل

اسلام آباد ( بیورو رپورٹ) وزیر اعظم دے معاون خصو صی شہباز گل نے آکھیا اے کہ پی ڈی ایم دے جلسے ریاست تے عدلیہ دے احکامات دے برعکس نیں۔ لہور جلسہ ملک دشمن بیانیے دے تابوت وچ آخری کیل ثابت ہووے گا۔سماجی رابطے دی ویب سائٹ ٹوئٹر اتے اپنے اک ٹوئٹ وچ شہباز گل نے آکھیا اے کہ ملک وچ مثبت کرونا کیسز دی مجموعی شرح 9.71 فیصد ہوگئی اے۔ 81 فیصد مثبت کورونا کیسز دا تعلق وڈے شہراں توں اے۔ پی ڈی ایم کرونا پھیلائو دا ذریعہ بن کے لوکائی دی جان نال کھیڈ رہی اے۔ ایہہ معیشت نوں دوبارہ دگرگوں حالات وچ پہنچانا چاہندے نیں۔ سازشاں وچ مصروف کرپٹ ٹولہ پاکستان دی ترقی روکن دے در پے اے۔ اشتعال انگیزی دا سہارا لے کے تے قانون دی خلاف ورزی نوں بطور آلہ استعمال کرکے گھٹیا سیاست کیتی جارہی اے۔