جسٹس فائز عیسیٰ صدارتی ریفرنس نظر ثانی کیس

اسلام آباد(بیورو رپورٹ)سپریم کورٹ نے جسٹس قاضی فائز عیسیٰ صدارتی ریفرنس نظر ثانی کیس دی سماعت کرن والے بینچ دی تشکیل دے حوالے دے نال درخواست کیتی۔ سماعت دے موقع اتے قراردتا اے کہ مشاورت دے بعد بنچ دی تشکیل توں متعلق چکے گئے اعتراضات اتے فیصلہ دتا جاوے گے۔ بنچ دی تشکیل د ا آئینی اختیار چیف جسٹس دے کول موجود اے۔ چیف جسٹس آف پاکستان اتے درخواست گزار الزام لگا کے حدوں بار نہ جان، انج کدی نہیں ہویا کہ کیس دی سماعت وچ چیف جسٹس پاکستان اتے الزام لگایا جاوے۔معاملہ دی سماعت جسٹس عمر عطاء بندیال دی سربراہی وچ چھ رکنی بینچ نے کیتی۔ دوران سماعت جسٹس قاضی فائز عیسیٰ دی اہلیہ نے موقف اپنایا کہ سپریم کورٹ رول 26 اے دے مطابق صرف وہی بینچ نظر ثانی درخواستاں سن سکدا اے جس نے پہلے مرکزی کیس دی سماعت کیتی ہووے۔ چھ رکنی بنچ کیویں سات رکنی بنچ دے فیصلے اتے نظرثانی درخواست سن سکدا اے۔چیف جسٹس پاکستان ایس کیس وچ فریق نیں۔جسٹس عمر عطاء بندیال نے مسز قاضی فائز عیسیٰ نوں مخاطب کردیاں ہویاں آکھیا اے کہ تساں ساڈی فیملی دا حصہ اوہ تساں دارے تے ایہدے سربراہ دے بارے وچ گل کردیاں ہویاں محتاط رہو۔ چیف جسٹس آف پاکستان اتے درخواست گزار الزام لگا کے حدوں بار نہ جان، مسز فائز عیسی نے ایس موقع اتے عدالت کولوں معافی طلب کردیاں ہویاں موقف اپنایا کہ میرامقصد کسی معزز جج دی دل آزاری نہیں سی اگر کسی جج دی دل آزاری ہوئی اے تے میں معذرت چاہندی واں۔ بعدازاں عدالت نے مزید سماعت جمعرات دس دسمبر تیک لئی ملتوی کردتی۔