سابق حکمراناں دی کرپشن نے ملک دیاں جڑاں نوں کھوکھلا کیتا: وزیراعلی

لہور( پنجابی میڈیا گروپ)وزیراعلی عثمان بزدار نے آکھیا کہ سابق حکمراناں دی کرپشن نے ملک دیاں جڑاں نوں کھوکھلا کیتا، بد عنوانی جرم دے نال سماجی، معاشی تے معاشرتی ظلم اے۔وزیر اعلی پنجاب عثمان بزدار نے بد عنوانی دی روک تھام دے عالمی دن دے موقع اُتے اپنے پیغام وچ آکھیاکہ بد عنوانی دے باعث معاشرے وچ بد امنی تے مایوسی پھیلدی اے، کرپشن نوں ختم کرنا تحریک انصاف دی حکومت دا مشن اے، نویں پاکستان وچ کرپٹ لوکاں دی کوئی گنجائش نہیں۔عثمان بزدار دا کہنا سیکہ کرپشن کرن والے عوام دی حقوق اُتے ڈاکہ مار کے اپنے منصب تیملک نال غداری کردینیں، کرپشن نوں ختم کرنا تحریک انصاف دی حکومت دامشن اے، حکومتی کماں وچ شفافیت، کرپشن دے خاتمے تے سروس ڈلیوری وچ بہتری دی پالیسی توں عالمی سطح اُتے ملک دا امیج بہتر ہویا اے، کرپشن دے خلاف زیرو ٹالرنس دی پالیسی اپنائی گئی اے۔