مریم نواز پی ڈی ایم دی ماچس ہتھ وچ پھڑ کے پورے ملک نوں اگ لان نکلی اے: فردوس عاشق اعوان

لہور( پنجابی میڈیا گروپ )وزیراعلی پنجاب دی معاون خصوصی ڈاکٹر فردوس عاشق اعوان دا کہنا اے کہ (ن) لیگی اراکان اسمبلی وزیراعظم تے وزیر اعلی نال رابطے وچ نیں۔فردوس عاشق اعوان نے اپنے بیان وچ آکھیا اے کہ پی ڈی ایم دی ڈُبدی کشتی توں لوکاں نے چھلانگاں مارنیاں شروع کر دتیاں نیں، بلاول بھٹو زرداری دے ترجمان مصطفی نواز دا استعفی پی ڈی ایم دیاں صفاں وچ پھیلن والی مایوسی دا آئینہ دار اے۔ مریم نواز پی ڈی ایم دی ماچس ہتھ وچ پھڑ کہ پورے پاکستان نوں اگ لگان نکلی اے، اوہناں دی ڈُبدی کشتی وچ کوئی سوار نہیں ہوئے گا، اوہناں نے اپنے بندے ہچکولے کھاندی کشتی توں چھلانگاں لگا کے وزیر اعظم تے وزیر اعلی نال رابطے وچ نیں۔