کراچی وچ آٹا سب توں مہنگا، شہری1300روپے دا تھیلا خریدن لگے

اسلام آباد( پنجابی میڈیا گروپ)ملک دے تجارتی شہر کراچی وچ آٹا سب توں مہنگا ہو گیا، شہر قائد دے شہری ملک وچ سب توں مہنگا آٹا خرید رہے نیں تے 20کلو دا تھیلا1300 روپے تک پہنچ گیا اے۔
ادارہ شماریات دے مطابق کراچی وچ بیس کلو آٹے دے تھیلے دی قیمت1300روپے تک اپڑ گئی، حیدر آباد دے شہری ملک وچ دُوجے نمبر اُتے سب توں مہنگا آٹا خریدن اُتے مجبورنیں۔ حیدرآباد وچ آٹے دے تھیلے دی قیمت 1280 روپے تک اپڑ گئی اے۔
رپورٹ دے مطابق خضدار وچ آٹے دا تھیلا1270،کوئٹہ وچ1250روپے تے پشور، لاڑکانہ1160روپے، فیصل آباد 1133روپے ، بہاولپور1106، بنوں1100روپے،سیالکوٹ,ملتان,سکھر وچ آٹے دا تھیلا1080روپے دا اے۔
ادارہ شماریات دے مطابق لہور تیگوجرانوالہ وچ آٹے دا تھیلا1070روپے وچ فروخت ہو رہیا اے سرگودھا وچ آٹے دے تھیلے دی قیمت1020روپے تے اسلام آباد پنڈی وچ آٹے دے تھیلے دی قیمت860روپے اے۔