سندھ حکومت دا اج تے کل بازار کھولن دا فیصلہ، لاک ڈان اتوار توں ہوئے گا

لہور( پنجابی میڈیا گروپ)سندھ وچ جمعہ ، ہفتہ نوں وی کاروبار کھلے گا جدکہ صوبے وچ مکمل لاک ڈان اتوار نوں نافذ ہوئے گا۔ پنجاب تے خیبرپختونخوا وچ ہفتے ،اتوار نوں پبلک ٹرانسپورٹ50فیصد گنجائش دے نال چلان دی اجازت دے دتی گئی، چاند رات نوں بازار بند، مہندی، چوڑیاں تے کپڑیاں دے سٹالز نہیں لگ سکن گے۔
کراچی سنے سندھ دے شہریاں نوں لاک ڈان وچ اک دن کی چھوٹ مل گئی۔ سندھ حکومت نے ہفتے نوں وی عید دی خریداری دی اجازت دے دتی، صوبے وچ لاک ڈان اتوار توں شروع ہوئے گا۔
پنجاب تے خیبرپختونخوا وچ عید اُتے پردیسیاں لئی لاک ڈان دے دوران ہفتے ، اتوار نوں ٹرانسپورٹ چلان دی اجازت دے دتی گئی۔ پنجاب وچ 8، 9،15تے16مئی نوں پبلک ٹرانسپورٹ50فیصد سواریاں دے نال چلے گی۔