مالی سال2022 وچ ترقیاتی کماں لئی900ارب رکھاں گے: شوکت ترین

اسلام آباد( پنجابی میڈیا گروپ)وفاقی وزیر خزانہ شوکت ترین ہوراں آکھیا کہ مالی سال2022 وچ ترقیاتی کماں اُتے خرچے لئی900ارب روپے رکھاں گے۔
عالمی جریدے نوں انٹرویو دیندیاں وفاقی وزیر خزانہ نے آکھیا کہ حکومت انفراسٹرکچر دے وڈے منصوبیاں اُتے خرچے40فیصد ودھن دا ارادہ رکھدی اے۔ مالی سال2022وچ پی ایس ڈی پی لئی900ارب روپے رکھاں گے، معیشت وچ روزگار تے پیداواری ودھان لئی عوامی خرچیے ودھائے جان گے۔اوہناںآکھیا کہ اگلے سال ملکی معیشت وچ5فیصد ودھان دی ضرورت اے۔
آئی ایم ایف دی توقع اے کہ مالی سال 2022وچ معیشت4فیصد ودھے گی۔ مالی سال2021وچ مالی خسارہ7فیصد تک ہوئے گا۔ پچھلے مالی سال مالی خسارہ1.8فی صد سی۔ اگلے مالی سال وچ مالی خسارہ1توں1.5فیصد تک ہوئے گا۔