‘پنجاب وچ گورننس دا ماڈل بدل دتا، پچھلے دور وانگوں ون مین شو اُتے یقین نہیں رکھدا’عثمان بزدار

لہور( پنجابی میڈیا گروپ)وزیراعلی عثمان بزدار ہوراں آکھیا کہ پنجاب وچ گورننس دا ماڈل بدل دتا اے، سابق دور ونگوں ون مین شو اُتے یقین نہیں رکھدا۔
وزیراعلی پنجاب عثمان بزدار نال اراکین قومی تے صوبائی اسمبلی نے ملاقات کیتی جس وچ باہمی دلچسپی دے امور، ترقیاتی منصوبیاں، جنوبی پنجاب سیکرٹریٹ تے سیاسی صورتحال اُتے گل بات کیتی گئی۔ ایس موقع اُتے عثمان بزدار دا کہنا سی کہ جو وی وعدہ کیتا اوہ نبھایا، ملتان توں بعد ہن چھیتی بہاولپور وچ وی جنوبی پنجاب سیکرٹریٹ دا سنگ بنیاد رکھاں گے۔
عثمان بزدار نے آکھیا کہ بہاولپور لئی خصوصی ترقیاتی پیکیج تیار کر لیا اے، چھیتی بہاولپور دا دورہ کراں گا، سابق حکمراناں نے جنوبی پنجاب دی عوام نوں خالی نعریاں نال ہی بہلایا، ماضی وچ جنوبی پنجاب دے وسائل نوں ہوراں شہراں اُتے خرچ کیتا گیا، آئندہ کوئی وی جنوبی پنجاب دے وسائل اُتے ڈاکہ نہیں مار سکے گا، سمت درست تے نیت نیک اے۔