شہباز شریف نوں باہر جان دی اجازت دینا قنون نال مذاق اے: فواد چودھری

لہور( پنجابی میڈیا گروپ)وفاقی وزیر اطلاعات فواد چودھری نے پاکستان مسلم لیگ ن دے صدر میاں محمد شہباز شریف نوں باہر دے ملکجان دی اجازت توں بعد آکھیا کہ ارباں روپے دی منی لانڈرنگ وچ ملوث قومی اسمبلی دے اپوزیشن لیڈر نوں باہر جان دی اجازت دینا قنون نال مذاق اے۔
سماجی رابطے دی ویب سائٹ ٹویٹر اُتے اوہناں لکھیاکہ ارباں روپے دی منی لانڈرنگ وچ ملوث شہباز شریف نوں باہر جان دی اجازت دینا قنون نال مذاق اے،اتنی جلدی فیصلہ تے پنچائیت وچ وی نہیں ہندا۔
فواد چودھری نے آکھیا کہ ایس طرح فرار ہونا بدقسمتی ہوئے گی، ایس توں پہلاں اوہ نواز شریف دی واپسی دی گارنٹی دے چکے نیں سوال ایہ اے کہ ایس گارنٹی دا کیہ بنیا؟
وفاقی وزیر اطلاعات دا کہنا سی کہ فیصلے دے خلاف سارے قنونی رستے اختیار کرن گے، ساڈے نظام عدل دی کمزوریاں دی وزیر اعظم کئی وار نشاندہی کر چکے نیں لیکن اپوزیشن اصلاحات اُتے تیار نہیں تے اوس دی وڈی وجہ ایہ اے کہ ایس بوسیدہ نظام نال اوہناں دے مفاد وابستہ نیں۔