روس : اسکول اُتے حملہ،10توں ودھ بال مر گئے

ماسکو( پنجابی میڈیا گروپ) روس دے شہر قازان وچ مسلح نوجوان نے اسکول وچ وڑ کے فائرنگ کردتی جس دے نتیجے وچ طلبا تے استاداں سنے12افراد ہلاک تے16زخمی ہوگئے۔
عالمی خبر رساں ادارے دے مطابق روس دے شہر دے قازان دے اک پرائمری اسکول وچ مسلح افراد کند ٹپ کے داخل ہوئے تے بالاں اُتے فائرنگ کردتی۔
مسلح افراد دی فائرنگ پاروں12افراد ہلاک ہوئے جناں وچ8اسکول دے بال2استاد تے اک گارڈ شامل نیں۔21افراد نوں زخمی حالت وچ اسپتال لیندا گیا اے جناں وچ18بال تے3استاد شامل نیں۔6بال انتہائی نگہداشت دے وارڈ وچ نیں
سوشل میڈیا اُتے وائرل ہون والی اک ویڈیو وچ دو بالاں نوں فائرنگ دی آواز توں خوف زدہ ہوکر دُوجی منزل توں چھلانک لا کے تھلے سُٹ دیاں ویکھیا جا رہیا اے جد کہ اک ویڈیو وچ پولیس ملزم نوں زمین اُتے لٹا کے گرفتار کررئی اے۔