جد تک زندہ واں شریف خاندان نوں نہیں چھڈاں گا: وزیر اعظم

لہور( پنجابی میڈیاگروپ) وزیر اعظم عمران خان ہوراں لوکاں دے سوالاں دا جواب دیندیاں آکھیا کہ جد تک زندہ واں شریف خاندان نوں نہیں چھڈاں گا۔لوگ چھوٹے چوراں توںتنگ ہندے نیں لیکن اوس نال قوم تباہ نہیں ہندی، شہباز شریف جان کے پجن دی کوشش کر رہے نیں، اوہناں دے خلاف صرف اک کیس7ارب روپے دی منی لانڈرنگ دا اے، ایس دے علاوہ ہور مقدمے وی نیں، جد تک اوہناں نوں کوئی گھر یا گڈی لینی ہوئے تے پیسے باہر توں آندے نیں کیونکہ اوہناں دی ساری دولت باہر اے، نواز شریف دے پُتر لندن وچ اربوں روپے دے گھراں وچ رہندے نیں، پاکستان دیاں ساریاں جیلاں وچ قید چوراں اُتے الزاماں دی مالیت جمع کرن تے وی7ارب روپے نہیں بندی، میں اللہ نوں جواب دہ واں ، مینوں خوف خدا اے، کہ وڈے چوراں نوں نہیں چھڈاں گا۔