مسئلہ فلسطین تے مسئلہ کشمیر حل کیتے بغیر دُنیا وچ امن قائم نہیں ہوسکدا: گورنر پنجاب

لہور( پنجابی میڈیا گروپ)گورنر پنجاب چودھری محمد سرور دا کہنا اے کہ سارے اسلامی ملکاںنوں فلسطین دے معاملے اُتے سانجھ کرنی پئے گی۔ مسئلہ فلسطین تے کشمیر حل کیتے بغیر دُنیا وچ امن قائم نہیں ہوسکدا۔
گورنر پنجاب نے فلسطین، مراکش تے مصر دے سفیراں نال ملاقات کیتی تے فلسطین وچ جاری صورتحال اُتے تبادلہ خیال کیتا۔ جدکہ یورپی پارلیمنٹ دے نائب صدر ڈاکٹر فابیو نال ٹیلی فون اُتے رابطہ کیتا۔ ڈاکٹر فابیو نے فلسطین وچ انسانی حقوق دی پامالی رکن وچ کردار ادا کرن دی یقین دہانی کرائی۔ گورنر چودھری محمد سرور ہوراں آکھیاکہ پاکستان مشکل دی ایس گھڑی وچ فلسطینی بھراہواں دے نال کھڑا اے۔