نوازشریف دی شیخوپورہ وچ ضبط شدہ جائیداد نیلام کرن دافیصلہ

اسلام آباد( پنجابی میڈیا گروپ) سابق وزیراعظم نواز شریف دی شیخوپورہ اندر ضبط شدہ جائیداداں20مئی نوں نیلام کرن دا فیصلہ کیتا گیا اے۔
میڈیا دے مطابق سابق وزیراعظم نواز شریف دی شیخوپورہ وچ ضبط شدہ جائیداداں نیلام کرن دا فیصلہ کیتا گیا اے، ایس حوالے نال ڈی سی شیخوپورہ نے بولی دی تریخ20مئی مقرر کردتی اے۔
دُوجے پاسے ڈی سی شیخوپورہ دی بولی لئی تریخ مقرر کرن دے فیصلہ نوں اسلام آباد ہائیکورٹ وچ چیلنج کردتا گیا اے، درخواست گزار اشرف ملک دا کہنا اے کہ شیخوپورہ دی88کنال اراضی نواز شریف توں خرید چکیا واں، نواز شریف نوں75ملین روپے دے وی چُکیا واں لیکن نواز شریف دی گرفتاری پاروں سیل ڈیڈ اُتے عمل درآمد نہ ہوسکیا، سیل ڈیڈ اُتے عمل درآمد لئی سول کورٹ نال رجوع کررکھیا اے لہذا ڈی سی شیخوپورہ نوں زرعی اراضی دی نیلامی توں روکیا جائے۔