پاکستانی فنکار وی فلسطین دے حق وچ سڑکاں اُتے نکل آئے

کراچی( پنجابی میڈیا گروپ) پاکستانی فنکار فلسطین دے حق وچ صرف سوشل میڈیا اُتے ہی کم نہیں کر رہیے بلکہ اوہناں نے سڑکاں اُتے نکل کے مظلوم فلسطینیاں دے نال اظہار یکجہتی کیتا اے۔
پاکستانی فنکار ہمیشہ توں ای پاکستان تے دُنیا بھر وچ رونما ہون والے سماجی مسائل اُتے آواز چُکدے نظر آرہے نیں۔ چاہے گل تعصب پسندی دی ہو ئے یا مسئلہ کشمیر دی۔ ساڈے فنکار ہمیشہ توں ہی اپنی آواز بلند کردے آ رہے نیں ،فلسطین دے مسئلے اُتے وی تقریبا سارے پاکستانی فنکاراں نے احتجاج ریکارڈ کروایا اے۔
کجھ دن پہلاں فواد خان نے اپنی گھر والی صدف تے دھی رانی دینال لہور وچ فلسطین دے حق وچ نکلنے والی ریلی وچ رلت کیتی۔ فواد خان نے ایس موقع اُتے فلسطین دا جھنڈ ا ہتھاں وچ چُکیاہوئیا سی۔