بدانتظامی تے کرپشن تحریک انصاف دی پہچان بن چکی اے،شہبازشریف

لہور(پنجابی میڈیا گروپ)مسلم لیگ(ن) دے صدر تے قومی اسمبلی وچ اپوزیشن لیڈر شہبازشریف ہوراں آکھیا کہ یوریا دی قلت تحریک انصاف دی بدانتظامی تے کرپشن دا شاخسانہ اے جیہڑی اوس دی پہچان بن چکی اے۔یوریا دی قلت تیکساناں نوں درپیش صورتحال اُتے گل بات کردیاں ہویاں مسلم لیگ(ن)دے صدرتے پارلیمنٹ وچ قائد حزب اختلاف شہبازشریف داکہنا سی کہ ہرمعاملے وچ حکومتی نااہلی،نالائقی تے چور بازاری دی سزا عوام تے کساناں نوں مل رہی اے،کسان دربدر نیں تے چیخ رہے نیں کہ کھاد دی اسمگلنگ تے بلیک وچ وِک رہی اے،تے حکومت ہمیشہ ونگوں غائب اے پتہ نہیں کیتھے سُتی ہوئی اے۔