کورونا تیز ہو گیا،کیساں دی شرح13فیصد تک اَپڑ گئی،ہور20بندے جاں توں گئے

لہور(پنجابی میڈیا گروپ)کورونا پاروں موتاںداسلسلہ رُک نہ سکیا،کیساں دی شرح ودھ کے13فیصد ہو گئی،پچھلے24گھنٹے دے دوران ہور 20بندے جاں بحق تے7ہزار586بیماری وچ مبتلا ہو گئے۔این سی او سی دے مطابق پاکستان وچ کورونا پاروں موتاں دی مجموعی تعداد29ہزار97ہو گئی اے جدکہ ایکٹو کیساں دی تعداد70ہزار263اے۔ملک وچ13لکھ67ہزار605بندے کورونانال متاثر ہوئے،12لکھ68ہزار245صحت یاب ہو چکے نیں۔اعداد و شمار دے مطابق پچھلے24گھنٹاں دے دوران7ہزار 586 نویں کیس رپورٹ ہوئے اے،ملک وچ کورونا مثبت کیساں دی شرح13فیصد ریکارڈ کیتی گئی۔پچھلے دناں58ہزار334کورونا ٹیسٹ کیتے گئے جدکہ ملک بھر وچ تاحال2کروڑ45لکھ32ہزار952کوروناٹیسٹ کیتے جاچکے نیں۔ ملک بھر وچ کورونا پاروں1ہزار83مریضاں دی حالت تشویشناک دسی گئی اے۔