فٹ پاتھ اُتے بیٹھ کے گانا گاندیاں عاطف اسلم دی ویڈیو وائرل

لہور(پنجابی میڈیا گروپ) ہتھ وچ گٹار پھڑیاں فٹ پاتھ اُتے بیٹھ کے گانا گاندیاں عاطف اسلم دی ویڈیو سوشل میڈیا اُتے وائرل ہوگئی۔ لوکاں نے عاطف اسلم دے ایس انداز نوں خوب سراہیا ۔ ٹوئٹراُتے شئیر کیتی گئی ویڈیو وچ عاطف اسلم نوں فٹ پاتھ اُتے بیٹھ کے گٹار وجاندیاں تے گنگنادیاں ہویاں ویکھیا جاسکدا اے۔ٹوئٹر اُتے ویڈیو شئیرکرن والے سوشل میڈیا صارف دا کہنا سی کہ اوہ دوست دا جنم دیہاڑ منان توں بعد باہرآئے تے یونیورسٹی دے فٹ پاتھ اُتے عاطف اسلم نوں دوستاں نال بیٹھیاں ویکھیا۔عاطف اسلم نوں ویکھ کے خوشی نال عاطف نوں آکھیا کہ اوہ جنم دیہاڑ اُتے تحفے دے طور تے اوہناں دے دوست لئی کجھ گاون۔ عاطف اسلم نے درخواست قبول کیتی تے گانا گایا۔