اپوزیشن کرپشن دے برانڈ نال سیاست نہیں کر سکے گی’ مسرت جمشید چیمہ

لہور( پنجابی میڈیا گروپ) پنجاب اسمبلی دی قائمہ کمیٹی برائے داخلہ دی چیئر پرسن مسرت جمشید چیمہ نے آکھیا کہ پی ڈی ایم تے پیپلز پارٹی لانگ مارچ دا اعلان تے کر چکے نیں لیکن پس پردہ فیس سیونگ دی تلاش وچ اے، لانگ مارچ نال اپوزیشن دی سیاست نوں ہرگز تقویت نہیں ملے گی بلکہ ا وہناں دی سیاست ہور سکڑ جائے گی ۔ اپنے بیان وچ اوہناں نے آکھیا کہ مسلم لیگ (ن) تے پیپلز پارٹی والے سن لین ہن کرپشن تے لٹ دے برانڈ نال سیاست نہیںہو سکدی ایس لئی تہانوں سیاست وچ عمران خان دے متعارف کرائے گئے معیار نوں اپنانا پئے گا ۔ اوہناں نے آکھیا کہ مریم نواز تے بلاول بھٹوسیاسی نومولود نیںایس لئی اوہناں نوںوزارت عظمیٰ دے خواب ویکھنا زیب نہیں دتا