شہردی تریخی مال روڈ نوں سنوارن لئی50ملین روپے جاری

لہور(پنجابی میڈیا گروپ) شہر دی تریخی مال روڈ دی آرائش ہوئے گی، دلکش لہور پراجیکٹ لئی50ملین روپے جاری کردتے گئے۔میڈیا رپورٹ دے مطابق محکمہ خزانہ نے دلکش لہور پراجیکٹ لئی50ملین روپے جاری کر دتے نیں، دلکش لہور پراجیکٹ دے تحت مال روڈ دی تزئین وآرائش کیتی جائے گی۔ مال روڈ نوں فیصل چوک توں جی پی او چوک تک 4 چاند لائے جاون گے۔ مال روڈ اُتے قائم عمارتاں نوں اصل حالت وچ بحال کیتا جائے گا۔ جدکہ مال روڈ دی تریخی حیثیت دی وی اصل حالت وچ بحالی ممکن بنائی جائے گی۔ دلکش لہور پورے 500 ملین روپے دا پراجیکٹ اے۔