وزیراعظم نے پٹرول دی قیمت ودھان دی سمری مسترد کردتی

لہور( پنجابی میڈیا گروپ) وزیراعظم عمران خان نے پٹرول دی قیمت ودھان دی سمری مسترد کر دتی۔وزیراعظم ہائوس ولوں جاری ہون والے بیان دے مطابق عمران خان نے پٹرول11روپے، ڈیزل 14 روپے ودھان دی سمری نوں عوامی مفاد وچ مسترد کردتا۔ اگلے15 دناں لئی پٹرول دی قیمت برقرار رہوے گی۔وزیراعظم ہوراں آکھیا سی کہ پوری دنیا وچ ودھدی ہوئی مہنگائی دی وجہ نال تیل دیاں قیمتاں ودھ رہیاں نیں لیکن عوام نوں ایس مہنگائی توں بچاون لئی حکومت ہر ممکن کوشش کرے گی۔ ایس ویلے حکومت ایس ودھ دی ہوئی قیمت دا بوجھ اپنے اُتے لوئے گی تے عوام نوں ودھ بھار توں بچان دی کوشش کرے گی۔ دُوجے پاسے ٹویٹر اُتے وزیراعظم عمران خان دے معاون خصوصی ڈاکٹر شہباز گل ہوراں لکھیا کہ وزیراعظم عمران خان نے آکھیا دنیا وچ ودھ ہندی مہنگائی پاروں تیل دی قیمت ودھ رہی اے لیکن پاکستانی عوام نوں ایس مہنگائی توں بچان لئی حکومت ہر ممکن کوشش کرے گی۔ ایس لئی وزیراعظم نے ایس سمری نوں ڈیفر کردتا۔ ایس ویلے حکومت ایس ودھ ہندی قیمت دا بھار اپنے اوپر لوئے گی تے عوام نوں ایس توں بچان دی کوشش کرے گی۔