رجسٹرار آفس نے تاحیات نااہلی دی درخواست اعتراض لاکے واپس کر دتی

اسلام آباد( پنجابی میڈیا گروپ)سپریم کورٹ دے رجسٹرار آفس نے سپریم کورٹ بار ولوں تاحیات نااہلی دے خلاف درخواست اعتراض لا کے واپس کر دتی ۔ ذرائع دے مطابق تاحیات نااہلی دے معاملہ اُتے سپریم کورٹ بار دی درخواست اُتے رجسٹرار آفس نے اعتراض لادندیاں ہویاں آکھیا کہ تاحیات نااہلی دے معاملہ اُتے سپریم کورٹ دا پنج رکنی لارجر بینچ فیصلہ دے چکیا۔دُوجے پاسے سپریم کورٹ بار نے رجسٹرار آفس دے اعتراض دے خلاف اپیل کرن دا فیصلہ کیتا اے۔