سپریم کورٹ: سندھ لوکل گورنمنٹ ایکٹ دی شق 74 تے 75 کالعدم قرار

اسلام آباد( پنجابی میڈیا گروپ)سپریم کورٹ نے سندھ دے بلدیاتی اختیارات کیس وچ ایم کیو ایم پاکستان دی درخواست نمٹا دتی ۔ عدالت نے سندھ لوکل گورنمنٹ ایکٹ دی شق 74 تے 75 کالعدم قرار دیندیاں ہویاں قرار دتا اے کہ سندھ حکومت سارے قنون دی آرٹیکل 140 اے نال ہم آہنگی نوں یقینی بنائے۔چیف جسٹس گلزار احمد دی سربراہی وچ بنچ نے 26 اکتوبر 2020 نوں فیصلہ محفوظ کیتا سی ۔ فیصلے وچ آکھیا گیا کہ ماسٹر پلان بنانا تے اوس اُتے عمل کرنا بلدیاتی حکومتاں دے اختیار اے، بلدیاتی حکومت پاروںآن والا کوئی نوا منصوبہ صوبائی حکومت شروع نہیں کر سکدی اے، سندھ حکومت مقامی حکومتاں نال چنگا ورکنگ ریلیشن رکھن دی پابند اے۔عدالت نے سندھ بلڈنگ کنٹرول اتھارٹی ایکٹ، کے ڈی اے قنون، ملیر، حیدرآباد، لیاری، سیہون تے لاڑکانہ ڈویلپمنٹ اتھارٹیاں دے قنون وی آئین دے مطابق تبدیل کرن دا حکم دیندیاں ہویاں ہدایت کیتی کہ اوہناں شقاں وچ تبدیلی کیتی جائے، جیتھے صوبائی تے مقامی حکومتاں دے اختیاراں وچ تضاد اے، صوبائی فنانس کمیشن اُتے عملدرآمد کیتا جائے۔