پْر امن ریاست بحال کرن لئی پرعزم ہاں، پیر نور الحق قادری

اسلام آباد (پنجابی میڈیا گروپ) عمران خان دے اسلاموفوبیا دے خلاف پیغام دی بازگشت ہن مغرب تک سنائی دے رہی اے، پیغامِ پاکستان دی روشنی وچ تشدد توں پاک تے پْر امن ریاست دی حیثیت بحال کرن لئی پرعزم ہاں۔ ایہ گل وفاقی وزیر مذہبی امور پیر نور الحق قادری نے ”پیغام پاکستان تے تصوف کانفرنس”نال خطاب دے موقع اُتے کیتی ۔ اتحاد ملت کونسل دے زیر اہتمام اسلام آباد وچ”پیغام پاکستان تے تصوف کانفرنس” دا انعقاد کیتا گیا۔ وزیر مذہبی امور نے نہایت اہم کانفرنس دے انعقاد اُتے ڈاکٹر پیر علی رضا بخاری ، ساجدہ نشین درگاہ بساہاں شریف دا شکر یہ ادا کردیاں ہویاں آکھیا کہ اللہ دے دین دی بڑائی تے اوس دی مخلوق اُتے شفقت دین دا خلاصہ اے، صوفیائے کرام اہل حق سن ،اوہناں دی محبت تے پیروی پاروں نجات اے۔