فلم انڈسٹری لئی ”ابھی نہیں تو کبھی نہیں ” فارمولے اُتے کوشش کرنا ہوئے گی’ حیدر سلطان

لہور( پنجابی میڈیا گروپ) نامور اداکار حیدر سلطان نے آکھیا اے کہ فلم انڈسٹری ایس ویلے اپنی بقاء دی جنگ لڑر ہی اے تے ایس موقع اُتے ساہنوں”ابھی نہیں تو کبھی نہیں ” دے فارمولے اُتے کوشش کرنا ہوئے گی ۔ اک انٹر ویو وچ حیدر سلطان نے آکھیا کہ اگر ساہنوں کامیابی لینی اے تے اردو تے پنجابی فلم انڈسٹری دی تفریق نوں ختم کرنا ہوئے گا ۔ پروڈیوسراں تے ہدایتکاراں نوں اردو تے پنجابی دوناں زباناں دیاں فلماں اُتے توجہ مرکوز کرنا ہوئے گی ۔ اوہناں نے آکھیا کہ فلم انڈسٹری نال وابستہ سارے لوگ متحد نیں تے انشاء اللہ اوہ ویلا دور نہیں جدوں ساڈھی فلم انڈسٹری دوبارہ عروج حاصل کرے گی ۔