مقبوضہ کشمیر وچ غیر قنونی آبادیاتی تبدیلیاں اُتے تشویش اے، شاہ محمود

نیویارک (پنجابی میڈیا گروپ) اقوام متحدہ دی ہائی کمشنر برائے انسانی حقوق محترمہ مشیل بیچلیٹ نے وزارتِ خارجہ وچ وزیر خارجہ مخدوم شاہ محمود قریشی نال ملاقات کیتی جس وچ وزیر خارجہ نے انسانی حقوق ، بنیادی آزادیاں دے فروغ تے تحفظ لئی پاکستان دے عزم دا اعادہ کیتا۔ وزیر خارجہ نے مذہب یا عقیدے دی آزادی دے فروغ، حق خود ارادیت، غلط معلومات دا مقابلہ کرن تے اسلامو فوبیا بارے وچ شعور اُجاگر کرن دے حوالے نال پاکستان دے کردار اُتے روشنی پائی وزیر خارجہ نے واضح کیتا کہ انسانی وقار نوں یقینی بنانا ،عورتاں نوں بااختیار بنانا تے تحفظ فراہم کرنا ، بالاں دے حقوق نوںاگے ودھانا ، اقلیتاں دے حقوق دا تحفظ کرنا تے بین المذاہب ہم آہنگی نوں فروغ دینا ساڈی حکومتی پالیسی دا حصہ اے